Pasi u tejkalua për pak kohë nga Apple në vitin 2023, Samsung rimori përsëri pozicionin e parë si shitësi më i madh i smartphone-ve bë botë. Të dhënat paraprake të The International Data Corporation (IDC) Mobile Phone Tracker’s për tremujorin e parë të vitit 2024 treguan se Samsung po rimerrte epërsinë që ka ruajtur që nga viti 2010.
Samsung thuhet se ka dërguar 60.1 milionë njësi në mbarë botën në tremujorin e parë, që përfaqëson 20.8% të pjesës së tregut. Apple dërgoi 50.1 milionë njësi duke kontrolluar 17.3% të pjesës së tregut. Të dyja kompanitë panë një rënie nga tremujori i parë i vitit 2023, megjithëse ajo e Apple ishte shumë më domethënëse (-9.6%) sesa ajo e Samsung (-0.7%).
Pesë kompanitë kryesore mbetën të njëjta në tremujorin e parë si gjithë vitin 2023, në të cilat bëjnë pjesë Xiaomi me 40.8 milionë njësi, Transsion me 28.5 milionë njësi dhe OPPO me 25.2 milionë njësi të shitura. Transsion e kapërceu OPPO për të hyrë në vendin e katërt.
IDC i vë në dukje këto shifra si një tregues se tregu i smartphone-ve po forcohet. “Së pari, ne vazhdojmë të shohim rritje në vlerën dhe çmimet mesatare të shitjes (ASP) pasi konsumatorët zgjedhin pajisje më të shtrenjta duke e ditur se do t’i mbajnë pajisjet e tyre më gjatë. Së dyti, ka një ndryshim në fuqi midis 5 kompanive më të mira, që ka të ngjarë vazhdojnë ndërsa lojtarët e tregut rregullojnë strategjitë e tyre në një botë pas rimëkëmbjes”, tha Nabila Popal, drejtoreshë kërkimore me ekipin Worldwide Tracker të IDC në një deklaratë.
“Xiaomi po kthehet fuqishëm nga rëniet e mëdha të përjetuara gjatë dy viteve të fundit dhe Transsion po bëhet një kompani e qëndrueshme në Top 5 me rritje agresive në tregjet ndërkombëtare. Në të kundërt, ndërsa lojtarët e Top 2 panë zvogëlim në tremujorin e parë, duket se Samsung është në një pozicion më të fortë në përgjithësi sesa ishte në tremujorët e fundit.”
