Lufta për të gjetur një zgjidhje për kamerën selfie vazhdoka ende të jetë e gjallë. Këtë na e vërteton Samsung, e cila në vend që të eksplorojë territorin ende të jo stabël të kamerës nën ekran, ka vendosur të provojë diçka jo të re por edhe të re.
Patenta më e fundit e regjistruar nga koreano jugorët, prezanton një smartphone pa një kamera në pjesën e përparme, në vendin e saj lentet e setit të pasëm do të mund të lëvizin për lartë e të rrotullohen 180 gradë duke mundësuar kështu një selfie me kameran kryesore. Mbetet e paqartë se cili smartphone do e marrë i pari këtë sistem.
Duke u ngritur i gjithë seti, fotot do të realizohen me lenten kryesore, ose me dy prej tyre duke rezultuar kështu edhe në cilësi shumë herë më të lartë.
Ai do të lëvizë me anë të një mekanizmi motorrik, kjo do të heqë mbrojtjen ndaj ujit apo pluhurit. Jetëgjatësia e mekanizmi do të jetë një tjetër shqetësim, vendi që ze ai brenda trupit të smartphonit por edhe dëmet që mund të pësojë në rast se bie nga dora. Pra ndoshta jo idea më praktike.
Por sidoqoftë nëse kjo është një mënyrë për të ndërtuar një smartphone me një ekran të pandërprerë, në rregull po e pranojmë. Ama Samsung duhet të fillojë të fusë këmbët edhe vetë në teknologjinë e ekraneve të tejdukshëm, një emër si i saji duhet të sjellë rezultate.
