Samsung sapo ka prezantuar smartphone-t më të ri flagship që bëjnë pjesë në serinë Galaxy S22.
Normalisht, kjo seri do të jetë e përbërë nga 3 smartphone, Samsung Galaxy S22, Galaxy S22 Plus dhe Galaxy S22 Ultra.
Galaxy S22 dhe S22 Plus janë të pajisur me dizajnin ikonik të sersië S, me ekran të sheshtë 6.1 dhe 6.6 inç FHD+ me refresh rate 120Hz. Këto smartphone do të jenë smartphone-t e parë që përdorin Corning Gorilla Glasss Victus+ të ri, që do t’ju bëjë të shqetësoheni më pak në rastet e rrëzimit aksidental të pajisjes tuaj. Gjithashtu trupi i tyre është krijuar me Armor Aluminum e cila është tepër rezistente. Kapaciteti i baterisë për S22 bazë do të jetë 3700mAh, ndërkohë që në S22 Plus do të jetë 4,500mAh. Vetëm modeli Plus do të arrijë të përfitojë nga teknologjia e karikimit të shpejtë 45W, ndërkohë që versioni bazë do të karikohet në shpejtësinë 25W.
Mirëpo përmirësimet kryesore në këto pajisje gjenden në seksionin e kamerave. Në pjesën e pasme ato janë të pajisura me 3 sensorë të rinj që do të sigurojnë kualitet të jashtëzakonshëm. Sensori 23% më i madh se në S21 dhe S21 Plus, me shërbimet Nightography dhe Adaptive Pixel, këto pajisje do të jenë performues të shkëlqyeshëm në shkrepjen e fotove dhe videove.
Kamera kryesore do të jetë 50MP, e cila do të shoqërohet nga kamera ultra-wide 12MP dhe telephoto 10MP. Me shërbimin e ri Auto Framing, që zbulon dhe gjurmon 10 persona duke rregulluar automatikisht fokusin e kameras, ju nuk do të keni më fotografi të paqarta.
Për të siguruar performancën më të mirë të mundshme, pajisjet S22 dhe S22 Plus janë të pajisura me proçesorin e parë 4nm nga Samsung, i cili do të plotësojë të gjithë nevojat e përdoruesve.
Së shpejti, Galaxy S22/22+ do të jenë të disponueshëm në tregun shqiptar me një çmim të rekomanduar me pakicë prej 99.999 Lekë për S22 në versonin 8/128GB, 111.999 Lekë për S22 në versonin 8/256 GB dhe 125.999 Lekë për S22+ në versionin 8/256 GB.
Për sa i përket Samsung Galaxy S22 Ultra, ne duhet të përmendim ndryshimet kryesore që janë bërë për të bashkuar 2 modele smartphone-sh në një të vetëm. Samsung ka marrë anët më të mira të S21 Ultra dhe të Note 21 Ultra dhe i ka bashkuar ato në S22 Ultra.
Kjo pajisje do të vijë me një ekran me kënde të theksuara dhe madhësi 6.8 inç, refresh rate 120Hz dhe me një SPen të integruar në të, i cili do të ketë një latency 70% më të ulët. Kapaciteti i baterisë në këtë smartphone do të jetë 5,000mAh, pra ju nuk keni nevojë aspak të shqetësoheni për jetëgjatësinë e saj. Gjithashtu ju do të mund ta karikoni atë shpejt me karikuesen 45W.
Galaxy S22 Ultra do të përfitojë gjithashtu nga performanca e jashtëzakonshme e proçesorit të parë 4nm të Samsung, dhe do të ofrojë të gjitha shërbimet e lartpërmendura si Nightography dhe Adaptive Pixel në një nivel të shkëlqyer.
Sigurisht nuk mund të lëmë pa përmendur rifreskimin kryesor në këtë pajisje, seksionin e kamerave. S22 Ultra është e pajisur me një kamera kryesore 108MP, e cila do të shoqërohet nga kamera ultrawide 12MP, ajo telephoto 10MP me zmadhim optik 3x së bashku me periscope lens që bën të mundur zmadhimin deri në 100x. Kamera selfie është përmirësuar gjithashtu dhe tashmë ka një rezolucion prej 40MP. Pra, me pak fjalë ju do të kapni video dhe foto me kualitet të lartë nga të gjitha kamerat e mundshme të pajisjes.
Galaxy S22 Ultra do të vijë në 4 opsione ngjyrash, ku përfshihen ngjyra e zezë, e bardhë, jeshile dhe vishnje. Galaxy S22 Ultra do të jetë i disponueshëm në tregun shqiptar me një çmim të rekomanduar me pakicë prej 160.999 Lekë në versionin 12/256GB dhe 170.999 në versionin 12/512GB.
Për fat të mirë, lajmet e mëparshme ishin të vërteta, dhe Samsung do të ofrojë mbështetje deri në katër gjenerata të upgrade-ve të sistemit operativ Android për të gjithë smarthpone-t e serisë S22.
