Dhe pse mendimet mbi cilësinë e kafesë në Starbucks mund të jenë shumë të ndryshme, duhet të jemi dakord se bashkëpunimet e kompanisë për të krijuar produkte reklamuese janë shumë të veçanta. Shembulli më i fundit është bashkëpunimi me Samsung (vetëm në Korenë e Jugut për fat të keq), ku u krijuan kasa mbrojtëse për linjën Galaxy S22 dhe kufjet Galaxy Buds 2.
Një nga opsionet e kasës së Buds 2 është një jeshile e errët me logon e Starbucks në qendër, ndërkohë që opsioni tjetër (ndoshta më i bukur) është në formën e një filxhani të bardhë me një art qumështi të printuar në pjesën e sipërme, e cila largohet për të hapur kasën.
Samsung ka një histori të gjatë të krijimit të kasave argëtuese mbrojtëse. Këtu mund të kujtojmë kasën poke ball për Buds e cila u lançua ekskluzivisht për Korenë e Jugut gjatë muajit të fundit.
Megjithatë duhet të tregojmë se ka dhe një anë negative të kasës në formë filxhani: është shumë i madh për t’u mbajtur në xhepat e pantallonave tuaja. Gjithashtu këto produkte të reja nuk vijnë me asnjë përmirësim nga ana teknologjike, janë thjesht për zbukurimin e pajisjeve tuaja.
Nuk është bërë ende e ditur se sa do të kushtojnë këto produkte nga bashkëpunimi Samsung-Starbucks, por dihet se do të jenë në një numër të limituar.
