Pajisjet e palosshme Samsung janë perfekte për të gjithë përdoruesit e fuqishëm, pasi ekrani i tyre i madh është tepër i nevojshëm kur përdoren disa aplikacione njëherazi. Kompania ka integruar disa shërbime të ndryshme në One UI për të përmirësuar eksperiencën multitasking akoma dhe më tepër. Një raportim i ri tregon se Samsung do të lehtësojë proçesin e përdorimit të një ekrani të plotë për një aplikacion përmes një funksioni të ri.
Leaker-i @UniverseIce tregon përmes një tweet-i se pajisjet e ardhshme të palosshme të Samsung do të kenë një funksion “rrëshqit për ndarjen e ekranit”. Ajo që ne mund të kuptojmë është se nëpërmjet një gjesti të ri, ekrani do të ndajë dy aplikacione që ju dëshironi në secilën pjesë të ekranit të palosshëm.
Galaxy Z fold4 and Flip4 will add “swipe for split screen” function
— Ice universe (@UniverseIce) June 9, 2022
Në Galaxy Z Fold 3 dhe Flip 3, ju duhet të përdorni Multi window tray apo menunë e Recent Apps për të hapur një aplikacion në vende të ndryshme të ekranit. Pa dyshim, funksioni i ri do të ndihmonte shumë të gjithë përdoruesit.
Samsung nuk do të jetë kompania e parë që shton një funksion të tillë, pasi dhe kompanitë e tjera si Oppo dhe vivo ofrojnë një funksion të ngjashëm për hapjen e aplikacioneve në ekrane të ndara.
Z Fold 4 dhe Flip 4 pritet të debutojnë në muajin gusht me kamera të përmirësuara, një dizajn më të hollë, më tepër memorie dhe përmirësime të tjera të brendshme.
