Bazuar në sondazhet më të fundit përdorimi i smartphonëve do të rritet ndjeshëm, dhe për më tepër mënyra si do t’i përdorim do të ndryshojë teksa me kalimin e kohës përpiqemi të bëjmë të gjitha detyrat digjitale në një aparat të vetëm.
Dhe po, vija ndarëse midis një kompiuteri personal dhe smartphonit hollohet sa vjen e më shumë, e Samsung është aty për t’iu përgjigjur së ardhmes në kohë me linjën Z.
Foldi i parë në opinion nuk ishte produkti i përsosur, dhe Samsung nuk druhet fare nga kjo e madje ka zgjedhur që të na nënvijëzojë të gjitha arsyet pse ky Fold i gjeneratës së dytë është më solid e shumë herë më i mirë se i pari.
Ekrani i cili kësaj radhe është bërë nga një xham më i fortë është njëkohësisht më i madh nga 7.3″ në 7.6″ ai që do të kryejë funksionet e tabletit dhe nga 4.6″ në 6.2″ i jashtmi. Për këtë të fundit jemi të gjithë më të lumtur padiskutim dhe si qershi mbi tortë, shkalla e rifreskimit prej 120Hz duket se po kthehet në një standart të ajkës së Samsung
.
Palosja e aparatit vjen me përshtatje të dedikuara në UI e vetë smartphonit. Vazhdimësia nga ekrani i brendshëm tek ai i jashtëm e anasjlltas, selfiet me setin e trefishtë të kamerave të pasme (të cilat duket se vijnë direkt nga Galaxy Note 20 Ultra) me pasqyrim tek ekrani i vogël, dhe kontrolli alla-laptop tek aplikacione të dedikuara janë vetëm disa prej shembujve.
Për të çmendurit pas punës Z Fold 2 sjell edhe më shumë aftësi multitasking ku tashmë mund të përdoren deri në 3 aplikacione njëkohësisht e për më tepër drag and drop i PC më në fund vjen në një smartphone.
Dhe nëse lehtësirat e mësipërme nuk na mjaftuan aparati vetë fsheh nën kofano mjaft fuqi. 12GB RAM, minimumi 256GB hapësirë e brendshme UFS 3.1, bateri 4,500 mAh i ndarë më dy pjesë dhe i aftë për karikim të shpejtuar qoftë me apo pa kabull. 5G dhe proçesor 7nm.
Ekranet duhet të sjellin rezolucion serioz sepse letrat flasin respektivisht për QXGA+ Dynamic AMOLED 2X Infinity Flex Display për atë 7.6″ dhe HD+ Super AMOLED për atë 6.2″. Netflix, YouTube apo gaming duhet të jenë në lartësitë më se të duhura në këtë krijesë.
Dhe si përfundim nëse një mjet të tillë e blejmë edhe thjesht për “Flex” duhet të bësh goxha figurë me dy variacionet Mystic Bronze dhe Mystic Black dhe tashmë për herë të parë me katër variacione të ngjyrës së menteshës.
Jo shumë kompani po e ndjekin, me këtë rrugëtim që ka zgjedhur të ndjekë Samsung nuk do ta ketë të lehtë, pasi pritshmëritë e publikut vetëm do të rriten nga gjenerata në gjeneratë. Të konkurosh me veten mund të duket e lehtë por fsheh goxha sfida brenda.
