Samsung Galaxy Z Fold 3 është smartphone-i më i mirë i palosshëm për momentin, dhe me shumë mundësi do të ndiqet nga Galaxy Z Fold 4 vitin e ardhshëm. Mirëpo kompania me sa duket ka në plan të krijojë një pajisje të re me një ekran i cili do të rrëshqitet për t’u zmadhuar dhe zvogëluar.
OLED Era, krahu prodhues i ekraneve të Samsung i nxiti këto diskutime pas publikimit të fundit të tyre në website. Ato treguan disa ekrane të reja të quajtura “Flex OLED” të cilët një ditë mund të shfaqen në smartphone-t me ekran të rrëshqitshëm.
Kjo gjë do të bëhet e mundur përmes përdorimit të ekranit të hollë, i cili do të lejojë zgjerimin e pajisjeve në një ekran më të madh. Një koncept të tillë e kemi parë dhe më parë me Oppo X 2021, ku smartphone-i rrit sipërfaqjen e ekranit përmes rrëshqitjes së saj.
“Një palosje më e pastër me më pak hapësirë në mes. Harkimi i vogël 1.4R i Samsung Flex Oled krijon një plaosje më ekzakte për dizajne më kompakte dhe preçize të smartphone-ve” shpjegoi Samsung.
Inovacionet në Flex OLED mund të aplikohen dhe në gjeneratë e re të smartphone-ve Fold të cilët do të kenë një palosje më të sheshtë duke e bërë smartphone-in më të hollë.
