Galaxy S25 Edge, modeli më i ri që bëhet pjesë e serisë S, ka qenë në qendër të vëmendjes prej disa kohësh.
Pasi informacionet e mëparshme treguan për një prezantim në datën 15 prill, janë shfaqur informacione të reja duke treguar që kompania ka shtyrë prezantimin e smartphone -it të saj super të hollë. Arsyet janë ende të panjohura, megjithatë informacioni sugjeron që mund të jetë për shkak të ndryshimeve të fundit në udhëheqje pas vdekjes së Shefit të Samsung DX Jong-Hee Han, jo për shkak të ndonjë çështje cilësore me celularin.
Samsung ka planifikuar një datë të re për prezantimin e Galaxy S25 Edge. Burimet më të fundit tregojnë se smartphone tani do të prezantohet në datën 13 maj 2025. Pra, do të kemi një shtyrje prej vetëm 1 muaji.
Në vend që të organizojë një ngjarje të madhe Unpacked si në janar me formacionin e rregullt S25, kompania e Koresë së Jugut do të organizojë një prezantim më të vogël vetëm online për smartphone-in e ri, megjithëse kjo mund të ndryshojë sipas vendit.
Samsung Galaxy S25 Edge thuhet se paraqet një ekran 6.7 inç, i ngjashëm me Galaxy S25, me procesorin Qualcomm Snapdragon 8 Elite qëdo të fuqizojë telefonin. Do të suportojë 12 GB RAM dhe ose 256 ose 512 GB hapësirë të brendshme.
Rrjedhjet e fundit zbuluan se pajisja do të vijë të paktën tre ngjyra: Titanium Silver, Titanium Jetblack dhe Titanium Icyblue. Megjithëse ne ende nuk i dimë detajet e disponueshmërisë, çmimi për S25 Edge mund të nisi nga rreth 1.249 euro. Kjo është një rritje e vogël mbi Galaxy S25+ me madhësi të ngjashme, e cila erdhi në treg me një çmim fillestar prej 1,149 euro. Samsung thuhet se po planifikon të prodhojë deri në 3 milion njësi.
