Sfidë pas sfide Galaxy Note ia ka dalë mbanë ndër vite që të mbajë gjallë fansat e tij, por edhe ata që nuk janë fansa të Android kur bie fjala për Note të gjithë bien dakort që është një kafshë pune.
E jo vetëm kaq por kësaj here sjell edhe inovacion, dhe nëse çka flitet vërdallë është e vërtetë, atëherë Samsung për të disatën herë do të ketë premierën e një teknologjie të re.
Sipas The Korea Herald, Note 20 së bashku me Fold 2 pritet të vijnë në Gusht.
Përveç atyre që do të trashëgojë nga Galaxy S20 bëhet e ditur se ekrani i Note do të jetë 7-inch, do të ketë një S Pen akoma më të përditësuar dhe “sub-display selfie camera”.
Po e lexove mirë një kamera nën ekran për funksionet selfie, çka do të thotë jo notch, dhe jo “cut out” , por nga këndi në kënd vetëm ekran.
Ndërsa iPhone 12 supozohet të ketë një notch më të vogël, sub-display camera do të vijë vonë, si gjithmonë tashmë.
Teknologjia e kamerave nën ekran është prezantuar edhe më përpara në prototipe nga Oppo dhe Xiaomi por kjo do të jetë hera e parë që një produkt i plotë komercial do të pajiset me të.
Duke ndikuar kështu në konkurencë dhe stimuluar tregun për ta integruar atë.
Sigurisht duke qenë një “first” askush nuk pret që të jetë maksimumi i cilësisë, por Samsung ka treguar që dedikimi sjell rezultat.
Marrim këtu shembullin e smartphonëve të lakueshëm.
Fold 1 sigurisht që nuk ishte alternativa më e mirë, por Z Flip tregoi që eksperienca sjell rezultat, dhe Samsung nuk ka frikë të dështojë, ndaj presim që përvoja të reflektohet tek Fold 2.
Galaxy Fold 2 do të laçohet në të njëjtën ditë me Note dhe pritet që të trashëgojë disa specifika kyç si një S Pen dhe kamerat nën ekran.
Të gjitha këto kanë qënë thashetheme që qarkullonin prej kohësh por kur publikohet nga një redaksi kaq prestigjoze sa The Korea Herald diçka dinë.
Ekran më i madh se iPhone 12, sub-display camera, S Pen, çmenduri në hapësirë, performancë dhe rezolucion?
Wow Apple, me çfarë do ta justifikosh çmimin më të lartë kësaj here?
