Samsung po përgatitet për lançimin e dy smartphone me çmim të përballueshëm në Indi ditën e hënë, siç ishte konfirmuar nga vetë kompania. Ne besonim se 2 smartphone-t që do të prezantohen gjatë këtij eventi, Galaxy F02s dhe F12, do të ishin një version i ribranduar i modeleve 02s dhe 12 të serisë Galaxy M.
Një postim që tani është fshirë nga Geekbench, tregoi se ne kishim të drejtë, pasi F12 dhe M12 janë në thelb të njejtët smartphone. Ngjashmëritë fillojmë me listimin në support page për SM-F127G/DS, model i cili në manualin e përdoruesit listohet bashkë me modelet SM-M127F dhe SM-M127G.
Gjithashtu listimi i Geekbench për Samsung SM-F127G ofron më tepër prova se këto dy smartphone janë identikë. Të dyja pajisjet përdorin proçesorin Exynos 850, dhe nëse F12 merr opsionet e memories nga M12, atëherë ky smartphone do të ofrohet me 3 deri në 6GB RAM dhe 32 deri në 128GB internal storage. Megjithatë për pjesën e memories nuk jemi shumë të sigurt.
Galaxy F12 do të përfshijë një ekran 6.5 inç HD+ me refresh rate 90Hz, një sistem kamerash ku ajo kryesore do të jetë 48MP dhe bateri me kapacitet 6,000mAh.
