Samsung po vendos një rekord të ri për përditësimet e smartphone-ve të nivelit hyrës, pasi Galaxy A16 i ri është lançuar me një çmim të ulët dhe 6 vite përditësime Android.
Gjatë vitit të kaluar, mbështetja e softuerit është bërë gjithmonë e më e rëndësishme në Android, me Google që vendosi t’i mbështesë Pixels të rinj me përditësime sigurie dhe OS për 7 vjet, dhe Samsung ndoqi menjëherë këtë trend, duke bërë të njejtën gjë në pajisjet e saj kryesore Galaxy S dhe Galaxy Z në 2024.
Por me uljen e çmimit, më parë pakësohej dhe mbështetja për përditësime të software-it. Pajisja më e përballueshme e Samsung me politikën e përditësimit 7-vjeçar ishte Galaxy S24 FE që kushtonte $649. Për Google, modeli më i përballueshme që do të marrë përditësime për 7 vite është Pixel 8a që kushton $499.
Kjo gjë sapo ka ndryshuar, pasi Samsung po vendos një rekord të ri me Galaxy A16 të ri me një çmim fillestar €229, i cili do të pajiset me mbështetje softuerike për 6 vite, duke përfshirë përditësime të plota të sistemit operativ Android. Samsung konfirmon se pajisja do të marrë gjithsej 6 përditësime të sistemit operativ Android, me mbështetje të disponueshme deri në “të paktën tetorin 2030”.
