Ditën e djeshme Samsung hodhi në kanalin zyrtar në YouTube një video mjaft interesante të Tap View. Një opsion mjaft i dobishëm për të lidhur televizorin me smartphonin tënd, sigurisht Samsung. Bazuar në teknologjinë e tyre Quantum AI dhe Tizen Smart TV.
Në video kemi disa nga televizorët më në zë të kompanisë si Samsung Flip dhe gjithashtu smartphonë, dhe tek këta të fundit do të ndalemi pak.
Persona të ndryshëm në video kanë Galaxy të ndryshëm dhe përveç sek 00:08 ku pjesa e pasme duket si ajo e S20, në çdo moment tjetër duket një smartphone gjigand, me ekran të madh dhe me anë të lakuara të pakufizuara, ndryshe nga S20.
Çka na bën të mendojmë se ndoshta kemi një pamje tjetër (jo edhe aq aksidentale) të Note20.
Tjetër vlen për tu përmendur edhe fakti që disa herë shfaqet cut-out selfie camera disa herë jo, çka na bën të besojmë se sub-display camera kaq shumë e pritur mund të jetë opsional. Jo fort e zakontë për Note por në kohë të tilla me buxhete të shtrënguara ofrimi i sa më shumë alternativave është ide mjaft e mirë.
Akoma nuk kemi një datë zyrtare për daljen e tij dhe asnjë info nuk është i sigurt, ndaj s’na ngelet gjë tjetër veçse të hamendësojmë.
