Gjatë muajit mars të këtij viti, Samsung do të ketë gati një smartphone të ri në serinë A, Galaxy A23 5G. Me shumë mundësi ky smartphone do të prezantohet gjatë Mobile World Congress, ku Geek Room do të jetë prezent për t’ju informuar me të rejat më të fundit.
Kjo do të jetë një pajisje entry-level, me një ekran LCD HD 6.4 inç. Sipas renderave që janë bërë leak në internet, Galaxy A23 do të vijë me një kamera selfie 13MP në formën “waterdrop notch”. Gjithashtu nën ekran do të përfshihet një sensor skanimi të shenjës së gishtit.
Ky smartphone do të fuqizohet nga proçesori MediaTek Dimensity 700 dhe do të shoqërohet nga 6GB RAM dhe 128GB internal storage. Bateria do të ketë kapacitet prej 5,000mAh dhe do të suportojë karikimin e shpejtë 18W.
Për sa i përket dizajnit, kjo pajisje do të jetë e ngjashme me modelin A53 2022 të bërë leak më parë. Në pjesën e pasme kjo pajisje do të ketë katër kamera: atë kryesore 50MP, ultra-wide 8MP, 2MP macro dhe një depth sensor 2MP.
Besohet se çmimi i Galaxy A23 5G do të jetë 290$.
