Më herët gjatë këtij muaji u publikua një raportim mbi ngjyrat e reja Galaxy Z Fold4 dhe Galaxy Z Flip4 që priten të lançohen në muajin gusht. Tashmë disa detaje akoma më konkrete janë publikuar nga leaker-i i njohur Evan Blass, i cili ka gjetur një listë me SKU (Stock Keeping Unit) për pajisjen e re Fold.
Në listë konfirmohet përfshirja e ngjyrës së re Bezhë nga raportimet e mëparshme. Megjithatë ngjyra jeshile nuk pritet të largohet përgjithmonë, pasi në listë gjendet dhe një ngjyrë “Gray Green”.
Në këtë listë gjendet dhe një ngjyrë “Burgundy Red” dhe “Phantom Black” që do të rikthehet sërisht këtë vit.
Informacione të tjera që gjenden në këtë listë janë dhe opsionet e ndryshme të memories për këto smartphone: 128GB, 256GB dhe 512GB. Përfshirja e një opsioni 128GB është surprizuese, pasi vitin e kaluar modelet nisnin nga 256GB.
Për fat të keq nëse kjo listë është e vërtetë, do të konfirmohet dhe fakti që nuk do të ketë asnjë pajisje me 1TB memorie të brendshme. Sigurisht lista mund të mos jetë e plotë, dhe modeli me 1TB memorie i Galaxy Z Fold 4 mund të jetë i limituar për vetëm disa shtete, ose do të lançohet më vonë.
