Pothuajse gjithçka që kishim mësuar deri më tani rreth serisë së re të iPhone është vënë në dyshim, pasi një burim i besueshëm zbuloi se disa nga upgrades madhore do të mungojnë.
Analisti mjaft i njohur i Apple, Ming Chi-Kuo tha se in-display Touch ID nuk do të jetë prezent në asnjë nga iPhone-t e serisë 13. Gjatë këtij viti zërat ishin shtuar shumë se Apple do të fillonte të përfshinte këtë shërbim në smartphone-t e rradhës, duke qenë se maskat gjatë vitit të pandemisë po shfaqnin probleme në identifikim, por me sa duket nuk do të jetë ky viti i rikthimit të Touch-ID.
Gjithashtu Kuo tregoi se prezantimi i një iPhone me 1TB internal storage gjatë këtij viti është pothuajse e pamundur. Në fakt linja e re e iPhone-ve mund të quhej mjaft mirë dhe 12S pasi nuk pritet që të ketë upgrades të rëndësishme. Me shumë mundësi dhe sensori LiDAR nuk do të përfshihet në iPhone 13.
Megjithatë raportimet se notch-i klasik është zvogëluar po bëhen dhe më të sigurta dhe ky është një lajm mjaft i mirë për përdoruesit e iPhone. Lajme të tjera të mira janë dhe përfshirja e proçesorit të ri eficient A15, e ekranit 120Hz ProMotion dhe rritja e kapacitetit të baterisë.
