Piloti i një aeroplani Seminole në Orlando, Florida po bëhej gati të niste fluturimin kur iPhone-i i rij i rëshqiti nga dora. Në ato momente aeroplani po lëvizte me një shpejtësi mbi 80km/h tregon një regjistrim i publikuar në VASAviation.
Menjëherë ai njoftoi kullën e kontrollit se gjendej një telefon në rrugën e aeroplanëve dhe anëtarët e ekipit në tokë nisën kërkimet për gjetjen e tij. Stafi arriti ta gjente telefonin, por ato mbetën të shokuar kur panë se iPhone-i ishte në gjendje funksionale dhe asnjëri prej xhamave nuk ishte thyer.
“Është në gjendje perfekte dhe akoma funksionon!” tha një prej punonjësve operatorë në audion e publikuar nga VASAviation.
Qendra e kontrollit tha se ky smartphone mund të shërbejë shumë mirë si një reklamë për produktet e Apple. “Është e pamundur se si iPhone-i u rrëzua nga avionic që lëvizte me shpejtësi mbi 80km/h dhe ekrani i saj nuk u thye.”
Dhe komentuesit në videon e publikuar në YouTube bënë disa shaka në lidhje me situatën. “Kjo hedhje i jep fjalës ‘AirDrop’ një koncept tërësisht të ri” tha një komentues.
“Nëse do të ishte një Nokia 3310, atyre do t’i duhej të mbyllnin rrugën për ta riparuar.” tha një tjetër komentues.