Përdoruesit e iPhone 15 po raportojnë se pajisjet e tyre po nxehen shumë gjatë karikimit apo gjatë luajtjes së lojrave, duke e bërë atë “pothuajse të pamundur për t’u prekur“.
iPhone 15 u lançua zyrtarisht për t’u porositur vetëm disa ditë pas eventit të prezantimit të 12 shtatorit dhe filloi të vijë drejt klientëve vetëm 10 ditë më vonë. Përdoruesit filluan të shpërndanin shpejt mënyra unike për të programuar butonin e ri Action Button, ndërsa të tjerët paralajmëruan për një defekt në konfigurimin e pajisjes.
Tani, përdoruesit po raportojnë një problem me mbinxehjen gjatë karikimit me një person që ka treguar eksperiencën e tij në X. Ian Zelbo i 9to5Mac shkroi në X për të treguar se iPhone 15 Pro Max i tij është “pothuajse shumë i nxehtë për t’u prekur” gjatë karikimit të shpejtë. “Mendova se njerëzit po ekzagjeronin, por jo kjo nuk është e mirëpritur,” tha ai. Në këtë thread ai shtoi se pajisja filloi të ftohej kur arrinte karikimin rreth 70%.
Ian përmendi: “Përtej 70% duket se është ftohur ndjeshëm (ende e nxehtë, por e rehatshme për t’u mbajtur në dorë). 25-60% ishte periudha më e keqe deri tani.”
Një përdorues tjetër u përgjigj se ai ka dëgjuar të njëjtën ankesë nga pesë persona të tjerë se pajisja nxehet gjatë karikimit dhe lojërave. “Këtë e kam dëgjuar tashmë nga 5 persona. Dhe lojërat gjithashtu”, thanë ata. Megjithatë, shumë të tjerë nuk kanë raportuar asnjë problem.
