Samsung tashmë ka udhëhequr tregun e pajisjeve Android në ofrimin e mbështetjes më të mirë të përmirësimit të sistemit operativ Android. Pajisjet më të reja të nivelit të lartë mbështeten aktualisht për 7 vjet, duke siguruar që klientët të mund të shijojnë shërbime të reja për një kohë të konsiderueshme, nëse nuk vendosin të blejnë një smartphone të ri për shtatë vitet e ardhshme.
Ka shumë gjëra që duhen rregulluar që Samsung të ofrojë mbështetje për software-in në këtë nivel. Kjo nuk është diçka që mund ta bëjë vetëm, duhet të punojë me Google dhe kompaninë që prodhon çipet për smartphone.
Me çipin e tij të ri Snapdragon 8 Elite, Qualcomm po bën të mundur që OEM të ofrojnë 8 vjet përmirësime të sistemit operativ, një mundësi që Samsung do të mundohet ta shfrytëzojë.
Dizenjuesit e çipave si Qualcomm ka të ngjarë të kërkojnë më tepër para nga OEM për një mbështetjeje më të gjatë dhe të qëndrueshme të softuerit, pasi ata e dinë se prodhuesit e pajisjeve celulare nuk mund të reklamojnë gjashtë ose shtatë vjet përmirësime të sistemit operativ Android nëse nuk janë të sigurt që Qualcomm do të bënte ndryshimet e kërkuara për ta bërë këtë të mundshme.
Qualcomm ka konfirmuar se Snapdragon 8 Elite i ri, çipi i cili do të përdoret në të gjithë serinë Galaxy S25, do të ofrojë mbështetje 8 vjeçare. Kjo do të thotë se Samsung tashmë do të ketë mundësinë, nëse dëshiron, për të rritur mbështetjen për modelet kryesore në 8 vjet përditësime të sistemit operativ Android.
