Oppo ka publikuar një video të shkurtër në internet ku tregohet aftësia e re e një kamere të palosshme. Në këtë video mund të dallohet qartë momenti kur kamera zgjerohet duke dalë nga pjesa e pasme e telefonit, para se mekanizmi ta palosë atë sërisht brenda.
Ndryshe nga kamerat selfie pop-up që fshiheshin nën ekran kur nuk nevojiteshin, lëvizshmëria e kameras së pasme në aksin Z mund të ndihmojë në ndryshimin e kualitetit të imazhit, dhe pse Oppo nuk ka deklaruar akoma asgjë mbi avantazhet e këtij dizajni. Në pamje të parë ajo nuk duket si një lente zmadhimi pasi në të shkruhet vetëm 50mm, por ajo mund të ndihmojë në performancën telephoto.
But not our self-developed retractable camera! ?
Explore more in INNO WORLD on 14/12.#OPPOINNODAY2021 pic.twitter.com/33hgJSw8If
— OPPO (@oppo) December 7, 2021
Shënimet në modulin e kamerës tregojnë se sensori është 1/1.56 inç dhe lentja është ekuivalente e 50mm f/2.4, gjë që tregon se duhet të jetë 2 herë më e madhe se lentja kryesore e smartphone-it.
Ky është një sensor shumë më i madh se ato që gjenden zakonisht pas lenteve telephoto, kështu që lartësia e shtuar nga mekanizmi hapës e bën këtë gjë të mundur.
Oppo do të publikojë dhe një video të re gjatë eventit Inno Day javën e ardhshme, ku kompania shfaq koncepte dhe teknologji të ndryshme para se ato të dalin në treg. Vitin e kaluar kompania prezantoi një smartphone me ekran të zgjerueshëm dhe syze AR.
