Nothing sapo ka prezantuar Nothing Phone 3, icili është modeli i parë flagship që kompania britanike sjell në treg. Ky smartphone ofron përmirësime të rëndësishme dhe do të jetë i disponueshëm në tregun ndërkombëtar, duke ofruar një alternativë ndaj markave si Samsung apo Google.
Porositë nisin më 4 korrik me çmim fillestar $799 për modelin me 12GB RAM dhe 256GB memorie. Për $899, merrni 16GB RAM dhe 512GB memorie. Dërgimet do të nisin më 15 korrik.
Telefoni përdor procesorin Snapdragon 8s Gen 4, ekran 6.67″ AMOLED (120Hz, 2800×1260, Gorilla Glass 7I), ndriçim deri në 4500 nits, bateri 5150mAh, karikim i shpejtë me kabëll 65W dhe pa kabëll 15W, rezistencë ndaj ujit/pluhurit IP68, si dhe WiFi 7, Bluetooth 6.0 dhe 5G.
Ishulli i kamerave në pjesën e pasme përbëhet nga tri lente 50MP: kryesore (f/1.68), periskop (f/2.68, zoom 60x) dhe ultra-wide (f/2.2), ndërsa kamera selfie është 50MP (f/2.2). Telefoni vjen me altoparlantë stereo, sensor shenje gishti në ekran, dhe në ngjyrë të bardhë ose të zezë.
Softueri Nothing OS 3.5, bazuar në Android 15, premton 5 vite përditësime Androidi dhe 7 vite për sigurinë. Ka funksione si Essential Space, widget-e të personalizuara, kërkim inteligjent dhe një butonanësor të dedikuar.
Glyph Matrix është prezent në këtë smartphone për të treguar identitetin e vërtetë të kompanisë. Ai është e përbërë nga 489 drita LED, dhe ofron më shumë funksionalitet sesa thjesht një shfaqje dritash. Nothing thotë se ky është një evolucion i dritave të ndezura të ndërfaqes Glyph në diçka më praktike. Me këtë synim, është shtuar një buton Glyph që ndodhet poshtë pjesës së pasme prej xhami. Një tjetër përfitim nga ky ndryshim, sipas shefit të dizajnit të Nothing, Adam Bates, është se heqja e dritave Glyph ka liruar më shumë hapësirë brenda telefonit.
