Nokia ka shfrytëzuar më së miri eventin e MWC 2022,ku Geek Room dhe Neptun ishin të pranishëm, duke bërë prezantimin e 3 smartphone-ve të rinj: Nokia C21, Nokia C21 Plus dhe Nokia C2 2nd Edition. E përbashkëta e këtyre smartphone-ve është se të tre vijnë me Android Go dhe i përkasin seksionit budget.
Nokia C21 Plus është pajisja me kapacitetin më të lartë prej të trejave, dhe me çmimin më të lartë prej €119. Pajisja vjen me Android 11 të instaluar, bateri me kapacitet 4,000mAh, ekran 6.5 inç HD+ dhe një notch. Ai përdor proçesorin Unisoc SC9863A, i cili shoqërohet nga 4GB RAM, 64GB internal storage dhe hapësirë për microSD Card. Në pjesën e pasme të smartphone-it gjenden 2 kamera: ajo kryesore 13MP dhe një lente makro 2MP e cila përdoret për fotgrafitë portret.
Nokia C21 është një pajisje që përdor Android 11 për të kryer funksionet bazë që nuk kërkojnë shumë RAM nga smartphone-i juaj, pasi C21 ka vetëm 3GB RAM. Dhe kjo pajisje përdor të njejtin proçesor Unisoc, 32GB internal storage dhe bateri me kapacitet 3,000mAh. Ky smartphone ka vetëm një kamera 8MP në pjesën e pasme, ndërkohë që brenda notch-it fshihet kamera 5MP. Kjo pajisje kushton €99.
Nokia C2 2nd Edition është smartphone-i më i lirë nga të tre, kushton vetëm €79. Ai vjen me një ekran 5,7 inç, 2GB RAM dhe 32GB internal storage. Bateria ka një kapacitet prej 2,400mAh, dhe në të gjenden kamera selfie 2MP dhe një në pjesën e pasme 5MP.
