Pixel 6 shërbeu si një pajisje që shënoi “rilindjen” e kësaj linje nga Google. Pas shumë gjeneratash që u munduan për ta bërë linjën Pixel të veçantë (që nuk rezultuan dhe aq të suksesshme), duket se tashmë Google ka bërë zgjedhjet e duhura.
Më në fund kompania ia arriti të sjellë në treg produkte të cilësisë së lartë në një çmim më të ulët se konkurentët e tjerë.
Wondering how #Pixel7 and Pixel 7 Pro compare? Check out the specs:#MadeByGoogle pic.twitter.com/FEFu4rO6xE
— Made By Google (@madebygoogle) October 6, 2022
Gjatë një eventi në ditën e sotme Google ka prezantuar Pixel 7 dhe Pixel 7 Pro, dy produkte të ngjashme me gjeneratën e mëparshme por me përmirësime të rëndësishme, si përshembull proçesori i ri, Tensor G2 si dhe në sistemin e kamerave.
Proçesori i ri Tensor G2 siguron avancime të reja në gjenerimin e imazheve dhe në sigurinë e pajisjes. Që të dy modelet janë të krijuara nga 19% materiale të ricikluara, janë rezistentë ndaj ujit dhe rërës me çertifikimin IP68, karikohen shpejt me karikuesen 30W dhe do të pajisen me security updates për të paktën 5 vite nga Google.
Pixel 7 vjen me një ekran 6.3 inç OLED, refresh rate 90Hz dhe maksimum ndriçimi 1,400 nits. Në pjesën e pasme janë të pranishme 2 kamera: ajo kryesore 50MP dhe një ultrawide 12MP. Bateria do të ketë një kapacitet prej 4335mAh.
Nga ana tjetër Pixel 7 Pro vjen me një ekran 6.7 inç FHD+ me refresh rate 120Hz, dhe në pjesën e pasme përfshihet një kamera ekstra, ajo telephoto 48MP. Dhe kapaciteti i baterisë do të jetë më i madh se versioni bazë, 5000mAh.
Proçesori G2 i ri fuqizon disa nga shërbimet kryesore që vijnë në këto pajisje si Super Res Zoom në modelin Pro, Night Sight dhe Face Unblur.
Ju do të mund të zgjidhni midis varianteve 128/256GB në Pixel 7 dhe 128/256/512GB në modelin Pro. Çmimet nisin nga $599 dhe $899 respektivisht.
