Gjatë eventit Unpacked të ditës së sotme Samsung prezantoi gjeneratën e re të pajisjeve të palosshme: Galaxy Z Fold7, Z Flip7 dhe Z Flip7 FE të cilat ofrojnë fuqi të jashtëzakonshme për çdo detyrë.
Galaxy Z Fold7
Galaxy Z Fold7 ofron përformancën premium falë Snapdragon 8 Elite për Galaxy në një format që bashkon më të mirën e dizajnit Galaxy, shërbimet më të avancuara të kameras të fuqizuara nga inteligjenca artificiale si dhe formatin më të hollë e të lehtë që është prodhuar deri më sot nga Samsung. I ndërtuar mbi sistemin e ri One UI 8, pajisja integrohet në mënyrë të natyrshme me agjentë inteligjentë, të përshtatur posaçërisht për të dy ekranet.
Ky smartphone peshon vetëm 215 gramë, dukeqenë edhe më i lehtë se Galaxy S25 Ultra. Kjo peshë ndihmohet nga trashësia prej vetëm 8.9mm kur është e palosur dhe 4.2mm kur hapet. Ekrani i jashtëm Dynamic AMOLED 2x vjen në madhësinë 6.5” dhe ofron një përvojë më të gjerë shikimi falë raportit 21:9. Kur shpaloset, Galaxy Z Fold7 shfaq një ekran 8” që ofron kontrast të thellë si dhe të zeza të pastra plot detaje. Falë teknologjisë Vision Booster ndriçimi maksimal arrin deri në 2,600 nits.
Mentesha Armor FlexHinge është më e hollë dhe më e lehtë , falë dizajnit të përmirësuar dhe strukturës inovative me shumë pista rrëshqitjeje, që zvogëlon rrudhat e dukshme dhe rrit qëndrueshmërinë duke shpërndarë në mënyrë të barabartë presionin. Alumini i avancuar Armor Aluminum , i përdorur në kornizë dhe në strukturën e menteshës, rrit qëndrueshmërinë dhe fortësinë me 10%.
Kamera dhe shërbimet e fuqizuara nga AI
Ishulli i kamerave të pasme në Z Fold7 përbëhet nga: kamera kryesore 200MP, ultraëide 12MP dhe ajo telephoto 3x 10MP. Në pjesën e përparme kemi dy kamera të tjera 10MP me kënd 100° dhe 85° që lehtësojnë kapjen e selfie në grup si dhe kryerjen e videokonferencave me cilësi mjaft të qartë.
Gjenerata e re ProVisual Engine nga Samsung përpunon imazhet më shpejt, duke siguruar që çdo foto dhe video të jetë më e qartë, më e gjallë dhe plot detaje. Fotot duken perfekte me Photo Assist, i cili lëviz, zhduk apo zmadhon objekte, rregullon këndet dhe plotëson sfondet me saktësi të drejtuar nga AI si dhe të përpunojnë fotot e tyre përmes Generative Edit. Side-by-Side Editing dhe funksioni Show Original lejojnë krahasimin në kohë reale të imazhit origjinal me versionin e redaktuar në ekranin e madh, duke e bërë më të lehtë vendimmarrjen për ndryshimet që duhen bërë. Audio Eraser është përmirësuar për të qenë më inteligjent dhe më praktik.
Samsung po forcon masa të reja sigurie për AI-në në pajisje, zgjeruar zbulimin e kërcënimeve ndërmjet pajisjeve dhe përmirësuar sigurinë e rrjetit me enkriptim rezistent ndaj teknologjisë kuantike. One UI 8 sjell privatësi të avancuar për përvojat e personalizuara me AI, përmes teknologjisë së re Knox Enhanced Encrypted Protection (KEEP). KEEP krijon mjedise të veçanta të ruajtura dhe të enkriptuara për çdo aplikacion, brenda zonës së sigurt të pajisjes, duke siguruar që çdo aplikacion të ketë akses vetëm në të dhënat e veta konfidenciale dhe asgjë më tepër.
Ky smartphone do të vijë në ngjyrat Blue Shadow, Silver Shadow dhe Jet Black disponueshëm për porosi paraprake duke filluar nga data 9 korrik, ndërsa shitja zyrtare fillon më 25 korrik.
Galaxy Z Flip7
Galaxy Z Flip7 është një telefon inteligjent ultra kompakt që kombinon dizajnin e palosshëm me fuqinë e inteligjencës artificiale. Me ekranin e jashtëm të përmirësuar FlexWindow dhe teknologjitë më të fundit Galaxy AI, ky telefon është projektuar për të ofruar efikasitet dhe personalizim maksimal në një pajisje që futet lehtësisht në xhep.
Galaxy Z Flip7 vjen me ekranin më të madh të jashtëm në një model Flip, një Super AMOLED 4.1 inç, që lejon ndërveprim të plotë pa e hapur pajisjen. Me ndriçim 2600 nit dhe ritëm rifreskimi 120Hz, ekrani ofron shikueshmëri të jashtëzakonshme edhe në ambient të hapur. Ekrani kryesor 6.9 inç Dynamic AMOLED 2X krijon një përvojë vizuale mbresëlënëse.
I lehtë dhe elegant, Z Flip7 peshon vetëm 188 gramë dhe është më i holli ndonjëherë në serinë e tij. Bateria 4300 mAh ofron deri në 31 orë shikim video, ndërsa procesori 3nm i gjeneratës së re garanton performancë të avancuar.
Me One UI 8 dhe funksione të zgjeruara Galaxy AI, Z Flip7 sjell një përvojë të personalizuar dhe efikase. Gemini Live ju ndihmon me komandat zanore, kërkimin e informacionit dhe organizimin e detyrave direkt nga FlexWindow. Now Bar dhe Now Brief ju mbajnë të informuar në kohë reale, ndërsa opsionet e personalizimit i përshtaten stilit dhe humorit tuaj. Ora fleksibile Stretch Clock dhe ndërfaqja interaktive rrisin ndjeshëm përvojën vizuale dhe funksionale të ekranit të jashtëm.
Kamera flagship në përmasa xhepi
Galaxy Z Flip7 sjell kamerën më të avancuar selfie të Samsung deri më sot. Sistemi me dy kamera përfshin sensorë 50MP dhe 12MP ultra të gjerë, të mbështetur nga teknologjia ProVisual Engine për foto të qarta në çdo kusht ndriçimi. Funksione si Enhanced Nightography, HDR 10-bit, Real-Time Filters dhe Zoom Slider ofrojnë kontroll total mbi çdo kapje, ndërsa Dual Previeë e bën më të lehtë realizimin e fotove të përsosura.
Samsung Galaxy Z Flip7 SE
Samsung ka sjellë edhe versionin më të aksesueshëm Galaxy Z Flip7 FE, me ekran 6.7 inç dhe shumë prej veçorive të versionit kryesor. Për siguri maksimale, Samsung ka integruar mbrojtje të avancuar AI përmes KEEP dhe kriptografi post-kuantike në rrjetet Wi-Fi. Sistemi Knox ofron mbrojtje të nivelit të lartë për të dhënat personale.
Galaxy Z Flip7 është i disponueshëm për porosi paraprake nga 9 korriku dhe në shitje të përgjithshme nga 25 korriku, në ngjyrat e zezë, blu dhe të kuqe korale. Samsung ofron gjithashtu shërbimin Fast Track në Europë për mbështetje të shpejtë dhe asistencë të specializuar për përdoruesit e serisë Galaxy Z.
