Xaiomi sapo ka prezantuar 2 smartphone të rinj të nivelit të lartë që janë gati të sfidojnë smartphone-t më të mirë të Apple dhe Samsung: Xiaomi 15 dhe Xiaomi 15 Pro. Këto do të jenë ndër pajisjet e para të cilat do të përdorin procesorin më të ri nga Qualcomm, Snapdragon 8 Elite.Më poshtë do të detajojmë më tepër veçoritë e reja me të cilat vijnë këto produkte.
Xaiomi 15
Xiaomi 15 vjen me një ekran elegant OLED të sheshtë 6,36 inç, i përmirësuar me korniza simetrike ultra të holla me përmasa vetëm 1,38 mm. Ai ofron një shpejtësi të ndryshueshme rifreskimi prej 1-120 Hz LTPO dhe ndriçim mbresëlënës maksimal prej 3200 nits. Ekrani mbrohet nga Xiaomi’s Dragon Crystal Glass, i cili siguron rezistencë 10 herë më të mirë në rënie në krahasim me paraardhësin e tij (Xiaomi 14), pretendon kompania.
Me software-in HyperOS 2.0, bazuar në Android, Xiaomi 15 prezanton optimizime të krijuara posaçërisht për këtë flagship kompakt, si menaxhimi i avancuar termik dhe performanca e përmirësuar e sistemit.
Sistemi i kamerave, i zhvilluar në bashkëpunim me Leica, përmban tre lente 50 MP të markës Leica për kamerat e tij kryesore, telefoto dhe ultra të gjerë. Për selfie, ekziston një kamerë 32MP OmniVision OV32B40 e pozicionuar në një dizajn me vrimë qendrore.
Bateria e fuqishme prej 5,400 mAh që mbështet karikimin e shpejtë me kabllo 90W dhe 50W wireless. Për siguri, ai përdor njohjen ultrasonike të gjurmëve të gishtërinjve të Goodix Technology, duke lejuar zhbllokimin e shpejtë. Do të vijë në shumë ngjyra: Lilac Purple, Light Grass Green, Black, White, Bright Silver Edition, Elephant Gray (Diamond Limited Edition), Orange (Diamond Limited Edition), Glacier White (Diamond Limited Edition).
Xiaomi 15 Pro
Xiaomi 15 Pro do të jetë “vëllai i madh” i Xiaomi 15, i cili vjen me një ekran 6.73” LTPO OLED dheme korniza akoma më të holla rreth ekranit, ndërkohë që rezistenca është akoma dhe më e fortë falë Dragon Crystal Glass 2.0.
Xiaomi pretendon se ky ekran redukton konsumin e energjisë me 24% në krahasim me paraardhësin e tij, Xiaomi 14 Pro. Ai mbështet normat e rifreskimit adaptiv LTPO midis 1-120Hz, plus zonimin e rifreskimit me tre nivele, duke lejuar përdorim shumë efikas të energjisë.
Në pjesën e pasme, Xiaomi po ofron një sistem kamerash të përditësuar në bashkëpunim me Leica dhe duke shtuar një sistem të ri fotografie AISP 2.0. Sistemi i kamerave përbëhet nga kamera kryesore 50MP OmniVision Light Fusion 900, kamera periskopike 50MP me zmadhim optik deri në 5x, si dhe një kamera ultrawide 50MP.
Vërtet surprizues është fakti se Xiaomi ka përfshirë një bateri me kapacitet 6,100mAh në këtë smartphone, e cila mund të karikohet me shpejtësi deri në 90W me kabllo dhe deri në 50W wireless. Kompania pretendon se falë përdorimit të materialeve si litiumi dhe kobalti si dhenanotubat silikon-karbon, bateria duhet të ruajë kapacitetin 80% pas 1600 cikleve të karikimit.
Ky smartphone do të vijë në 4 ngjyra të ndryshme: Bright Silver Edition, Rock Gray, White dhe Spruce Green.
Për momentin Xiaomi 15 dhe 15 Pro do të tregtohen vetëm në tregun kinez, dhe pritet që së shpejti të vijnë dhe në tregun global.
