WhatsApp sapo lajmëroi një sërë përditësimesh nëpërmjet një videoje ku duket se jeta do të na bëhet më e thjeshtë.
Kodet QR të përdorura nga Snapchat dhe Instagram kohë më parë po vijnë më në fund për të na kursyer gishtat nga klikime të tepërta si përpilimi i numrave të diktuar nga dikush tjetër. Pra praktikisht nëse do ti marrësh dikujt numrin, nuk ke pse i jep letër e laps, zgjati kodin tënd QR dhe numri i tij/saj do të ruhet menjëherë.
Video telefonatat në grup do të ofrojnë zmadhimin e kujtdo nga pjesmarrësit të cilët tashmë kanë shkuar në një maksimum prej 8 personash. Kjo për tu fokusuar tek folësi dhe jo të tjerët.
Stickerat e thjeshtë marrin një rikonceptim pasi më në fund mund të animohen. Krejt bazike por sidoqoftë i shtojnë ngjyra bisedës.
Dhe së fundmi versioni web i WhatsApp merr Dark Mode një pamje krejt ndryshe. Teksa rezultoi një sukses tek versioni mobile më herët gjatë vitit pse jo edhe në desktop.
Përditësimi pritet të mbulojë gjithë globin gjatë javës në vijim.
