iQOO, nën-kompania e Vivo e fokusuar në krijimin e smartphone-ve gaming, ka prezantuar smartphone-t më të ri iQOO 9 dhe 9 Pro. Dhe pse këto smartphone nuk kanë një dizajn klasik të pajisjeve gaming, ato janë të fokusuar në ofrimin e performancës maksimale.
Kësaj here iQOO 9 dhe 9 Pro vijnë në një bashkëpunim me BMW Motorsport, dhe në xhamin e pasëm gjenden 3 shiritat që përfaqësojnë kategorinë sportive të kompanisë.
iQOO 9 Pro fuqizohet nga një proçesor Snapdragon 8 Gen 1, 12 GB RAM dhe nga bateria me kapacitet 4,700mAh e cila karikohet shpejt me karikuesen 120W. Ekrani OLED ka madhësi 6.78 inç, refresh rate 120HZ dhe kualitet 1440p. Sistemi i kamerave në pjesën e pasme është i përbërë nga ajo kryesore 50MP (përdor stabilizim të ngjashëm me një gimbal) ,ultrawide 50MP dhe portrait camera 16MP.
Në krahun tjetër smartphone-i iQOO 9 fuqizohet nga proçesori Snapdragon 888 Plus, ka bateri 4,350mAh dhe ekran OLED 1080p 120Hz. Sistemi i kamerave të pasme në këtë pajisje është më i vogël dhe përbëhet nga kamera kryesore 48MP, ultrawide 13MP dhe portrait camera 13MP. Dhe kjo pajisje mund të përfitojë nga karikimi i shpejtë 120W.
Në Indi çmimet zyrtare për iQOO 9 fillojnë nga $580 për versionin 8/128GB, ndërkohë që çmimi për iQOO 9 Pro do të fillojë nga $870 për versionin 8/256GB.
