Gjatë kohëve të fundit ne kemi parë koncepte smartphone-sh që vijnë me një ekran të rrotullueshëm nga Oppo, TCL apo Samsung. Tashmë Lenovo do të nisë shitjen e laptopit me ekran të rrotullueshëm, ndërkohë që divizioni tjetër për smartphone-t, Motorola, po përgatitet për të sjellë të njejtën teknologji në smartphone.
Në pamje të parë ne mund të shikojmë një smartphone me ekran kompakt të gjatë 4 inç, mirëpo me klikimin e një butoni, paneli OLED zgjerohet në madhësinë normale 6.5 inç. Për të zvogëluar sërisht pajisjen mjafton të klikoni në buton. Smartphone-i është funksional në të dyja madhësitë, dhe përmbajtja që shfaqet i përshtatet madhësisë së ekranit.
Lenovo prezantoi ekranin e rrotullueshëm në një laptop i cili në pozicionin fillestar ka një ekran në formë drejtkëndëshi, e cila më pas zgjerohet në një formë katrore, duke e bërë ekranin shumë të përshtatshëm për ndjekjen e videove në TikTok.
Zëvëndës presidenti i Dizajnit në Lenovo, Brian Leonard shpjegoi ne video se ky eksperiment është pjesë e revolucionit që nisi me ThinkPad 360.
Motorola prodhon aktualisht një pajisje me ekran të palosshëm, Razr, mirëpo ekranet e rrotullueshëm janë edhe më kompleksë. Megjithatë duket se njerëzit e pëlqejnë këtë stil ekrani.
