Disa përdorues që kanë instaluar versionin e ri të iOS 15 kanë të filluar të shqetësohen nga mesazhi “iPhone storage almost full” ndërkohë që ato kanë hapësirë të mjaftueshme në pajisjet e tyre.
Ky bug duket të ketë prekur disa modele të ndryshme të iPhone. Tentativat për të fshirë disa nga të dhënat që ju keni në pajisje dhe për të hapur hapësirë nuk e kanë eleminuar këtë mesazh, ndërkohë që Apple nuk e ka “njohur” publikisht këtë bug deri më tani.
Anyone else run into an iOS 15 bug that says “iPhone storage almost full” in Settings when there’s plenty of space available? My device has 20GB free and I can’t dismiss it. pic.twitter.com/fSQlkBuzA5
— Matt Brian (@m4tt) September 20, 2021
AppleInsider rekomandon përdoruesit e prekur nga ky bug që të presin për një update që do ta rregullojë problemin nga Apple. Personat që mezi po presin ta heqin këtë mesazh, mund dhe të bëjnë një factory reset, por vetëm pasi të jenë siguruar se të gjitha fotot dhe të dhënat e tyre janë ruajtur në iCloud ose në një pajisje tjetër.
GeekRoom rekomandon gjithashtu që ju të mos i fshini fotot ose dokumenta të tjera për të liruar hapësirë në pajisje (nëse keni mbi 4GB hapësirë boshe), pasi ky mesazh do të vazhdojë të shfaqet dhe pasi ju të keni hapësirë mjaftueshëm. Mjafton të prisni për update-in e Apple që ky problem të zgjidhet.
Ka patur dhe disa raportime të tjera për probleme që lidhen me storage në iOS 15. Një punonjës në AppleInsider vuri re se iPhone 12 Pro Max tregon se janë përdorur vetëm 11GB nga 512 të mundshme, ndërkohë që aplikacioni i muzikës tregon se zë 20.79 GB. Nga ana tjetër iPad Pro shfaqte 0KB të përdorura ndërkohë që në të gjendeshin më tepër se 300GB të dhëna të instaluara.
