Smartphonët LG para pak kohësh mbanin ndër pozicionet më të rëndësishme dhe një bazë të shëndetshme fansash.
Por u bë vite tani që asgje inovative nuk del nga LG, përkundrazi kompania ka vështirësi në mbajtjen e hapit me konkurencën duke dobësuar vazhdimisht pozicionin e saj në treg.
Nga problemet më kryesore mbetet design-i i smartphonëve të tyre, dhe kjo do të jetë pikërisht pika e parë e ndryshimit.
Konfirmuar nga kompania vetë, LG po punon për një smartphone me ” gjuhë design-i minimalist” dhe “estetikë ndryshe nga trendi i industrisë”. Se për çfarë e kanë fjalën e gjejmë në këto skica gri ku LG tregon vetëm pak detaje mbi estetikën e re.
Në foto vihet re seti i kamerave “pikë loti” dhe “lakimet simetrike para-mbrapa” të shpallura si ndryshimet më kryesore.
LG synon të mos aplikojë trendin e gungës katrore të kamerave të gjendura kudo tashmë me sensorët e renditur në formën e një pike rrjedhëse. Ndërsa sa i përket lakimeve anësore, na vjen keq LG por i kemi parë që nga Galaxy S6 e deri tek secili Android i këtyre viteve të fundit.
Shumë emra romantik, por a do të jetë në gjendje ky smsrtphone të garojë me fuqinë e konkurencës?
Ndoshta jo pasi kompania synon ta mbajë në kategorinë e mesme me një proçesor Snapdragon 765G por nga ana tjetër 5G do të jetë standart tek e gjithë linja.
Pritet të dalë në 15 Maj në Korenë e Jugut dhe do të jetë një mid-range me mjaft fuqi, efiçensë energjie dhe një çmim diku tek $700.
