Samsung është vetëm disa muaj larg prezantimit të serisë më të re të smartphone-ve flagship, Galaxy S23 në eventin e rradhës Unpacked. Në internet kanë qarkulluar renders të ndryshëm që shfaqin dizajnin e këtyre pajisjeve, që mendohet se do të jetë një kombinim i dizajnit të S22 me estetikën e lenteve në S22 Ultra.
Dhe pse ndryshimi në dizajn është i mirëpritur, në hardware duket se ndryshimet nuk do të jenë shumë të rëndësishme. Leaker-i Yogesh Brar ka shpërndarë disa specifika kryesore të pajisjes standard Galaxy S23, dhe shumë fansa kanë mbetur të pakënaqur.
Samsung Galaxy S23
(rumoured)– 6.1″ FHD+ sAMOLED, 120Hz
– Qualcomm Snapdragon 8 Gen 2 SoC
– Rear Cam: 50MP (OIS) + 12MP (UW) + 10MP (Tele)
– Front Cam: 10MP
– 8GB RAM
– 128/256GB storage
– Android 13, OneUI 5
– 3,900mAh battery, 25W wired, 15W wireless charging— Yogesh Brar (@heyitsyogesh) October 18, 2022
Një ndër përmirësimet e pakta është përdorimi i proçesorit të ri Snapdragon 8 Gen 2, që do të shoqërohet nga 8GB RAM dhe 128/256GB internal storage. Përmirësimi tjetër është dhe zmadhimi i kapacitetit të baterisë me 200mAh, nga 3,700mAh në 3,900mAh. Jetëgjatësia e baterisë ishte një ndër pikat më të dobëta të Galaxy S22, prandaj kjo rritje e kapacitetit është shumë e rëndësishme.
Me sa duket shpejtësitë e karikimit do të jenë ende shumë të vogla në krahasim me ato që ofrohen në treg nga kompanitë e tjera. Shpejtësia maksimale e karikimit ëireless pritet të jetë vetëm 15W, shumë herë larg nga konkurentët si OnePlus apo kompani të tjera.
Konfigurimi i kamerave në këtë pajisje do të jetë gjithashtu i ngjashëm me serinë paraardhëse, ku do të jenë të pranishme 4 lente: kryesore 50MP, ultrawide 12MP dhe telephoto 10MP si dhe kamera selfie 10MP.
