Fansat mund të mbajnë anë në përgjithësi mes Android apo Apple por ka ndonjëherë momente ku të gjithë ndalen dhe vlersojnë njëzëri një lëvizje të njërës prej të dyjave.
E përsëri përtej anëve, të gjithë biem dakort që tabletët Apple janë superiorë, tanimë edhe më shumë me lapsin e ri i cili mund të dallojë ngjyrat në botën reale e ti riprodhojë ato në software.
Sipas patentës më të fundit zbuluar nga PatentlyApple, kompania është duke punuar për një version të lapsit Apple i cili ka sensorë që ndjejnë ngjyrat. Dhe duke bërë copy një ngjyrë të një objekti apo sipërfaqje konkrete, kalon në paste menjëherë në aplikacionet iOS të iPad-ëveqë merren me modifikim fotografie.
Nëse realizohet, kjo do të sillte progres në shumë fusha të jetës, pasi po flasim për një sistem matës të një njësie tjetër tashmë: pigmenti. Dhe pigmenti gjendet nga mobiljet tek veshjet e deri tek lëkura e njeriut apo bimëve.
Fusha e fotografisë do të përfitonte pafund, përtej asaj që aparati do të regjistrojë, veshja e fotografuar në modifikim e sipër do të mund të merrte ngjyrën e vërtetë vetëm me një prekje të lapsit. Kjo do të hapë rrugë për përfaqësim edhe më realist, në blerjet online.
Kujtojmë nga ana tjetër faktin që edhe lëkura njerëzore mund të studiohet, nëse sistemi do të jetë i saktë dhe i aftë mjaftueshëm mund ti hapë shteg një tjetër dege të monitorimit të shëndetit.
Matjet do të arrinin të njihnin glukozën, proteinat, nivelet e pH etj.
Nëse mund t’i vihet një lapsi, për një Apple Watch duhet të jetë edhe më e lehtë.
Sigurisht që kjo është vetëm një patentë dhe nuk është e thënë që do ta shohim me patjetër në treg, por iPad-ët e Apple do i siguronin vetes edhe disa vjet të tjera si lider në treg, kështuqë pse jo?
