Tregjet zyrtare të aplikacioneve pavarësisht se janë dora e parë, nuk janë të pa prekshme nga rreziku. Andaj sado rregulla të caktojë Google Play dhe sado që t’i fshijë, gjithmonë do ta gjejnë një mënyrë si të rikthehen.
Një aplikacion i rrezikshëm është pikasur së fundmi tek vidhte nga përdoruesit e tij, i maskuar si një aplikacion i padëmshëm.
40 milion përdorues kanë shkarkuar SnapTube, një strument i thjeshtë i aftë të shkarkojë video nga YouTube dhe Facebook.
Funksion mjaft i dëshiruar nga shumë kjo është më se e kuptueshme. Ama që diçka e tillë të vijë pa kosto, kjo do ishte pak e pa kuptueshme. Dhe siç historia ka treguar, këto praktika zakonisht vijnë me goxha dëm prapa.
Sipas UpStreamSystems, një nga mënyrat si SnapTube vjedh përdoruesit e vetë është duke i regjistruar në shërbime premium pa dijeninë e tyre. Kjo mund të shkaktojë irritim por akoma më keq humbje parash. Sipas llogarive programi ka mbledhur deri tani $100 milion nga përdorues që nuk kanë vënë re asgjë.
Zhvilluesi Kinez i aplikacionit quhet Mobiuspace, një zhvillues i cili ka pas vetes investitorë të mëdhenj si Tencent. Ai deklaron se problemi ka ndodhur si rrjedhojë e një aplikacioni të dorës së tretë me të cilin aplikacioni i tyre po komunikonte.
Disa e besojnë disa jo, Google nga ana tjetër ka mbajtur qëndrim duke e hequr nga dyqani i vetë.
