Inxhinierët nga Royal Melbourne Institute of Technology (RMIT) po punojnë për krijimin e një teknologjie të riciklueshme që do të mundësojë rritjen e jetëgjatësisë së baterisë deri në 9 vite, një periudhë 3 herë më e gjatë se jetëgjatësia në smartphone-t aktualë.
Inxhinerët kanë punuar me një material të quajtur MXene dhe ata besojnë se ky material është më i mirë se grafeni, që përdoret gjërësisht në industrinë moderne të pajiseve elektronike.
“Ndryshe nga grafeni, MXenes janë shumë të punueshëm dhe mund të kenë një aplikim shumë të gjërë në të ardhmen në industrinë e teknologjisë.” tha profesori Leslie Yeo. Megjithatë, gjatë punimit me këtë material, studiuesit vunë re se ky material ndryshkej shumë shpejt kur ekspozohej në lagështi apo ujë, duke e bërë materialin të papërdorshëm.
“Për t’u përballur me këtë problem, ne zbuluam se lëshimi i valëve zanore me një frekuencë të caktuar bënte të mundur largimin e ndryshkut brenda 60 sekondash dhe e rikthente materialin në gjendje pothuajse origjinale.”
Ky është çelësi i jetëgjatësisë 3 herë më të madhe të kësja baterie, sipas studiuesve. Largimi i ndryshkut nga ky material bën të mundur rikthimin e performancës së lartë elektrike. Në të ardhmen kjo teknologji mund të përdoret në sensorë, transmetimet pa kabuj si dhe në ruajtjen e energjisë.
Dhe pse ky inovacion është mjaft i mirë, do të duhet ende shumë punë që ekipi ta integrojë atë mirë në sistemet ekzistuese të teknologjisë.
