Prej disa kohësh është e ditur se smartphone-t emëtojnë rrezatim radioaktiv. Mirëpo një raportim i ri nga Bankless Times tregon se disa modele të veçanta smartphone-sh emëtojnë rrezatim më të lartë në krahasim me të tjerat.
Kjo listë kryesohet nga Motorola Edge, e cila ndiqet nga ZTE Axon 11 5G dhe OnePlus 6T. Në këtë listë mund të shohim që marrin pjesë dhe smartphone të ndryshëm nga kompanitë e mëdha si Google (Pixel 3, Pixel 3XL, Pixel 4a), Sony (Xperia Xa2 Plis, Xperia XZ1 Compact) dhe Oppo (Oppo Reno5 5G). Duhet theksuar se disa nga këto smartphone ishin ndër më të mirët në treg para disa vitesh, dhe mund të ketë akoma njerëz që i përdorin ato.
Studimi i rendit këto pajisje në bazë të Specific Absorption Ratios (SAR), një standard që mat se sa shpejt trupi absorbon energjinë e radiofrekuencës. Në foton e mëposhtme shihet renditja e plotë e 10 smartphone-ve me rreaztimin më të lartë.
US Federal Communications Commision ka vendosur një maksimum të nivelit SAR prej 1.6 watt/kg, pra Motorola Edge ka një rrezatim më të lartë se ky nivel maksimal i përcaktuar. Megjithatë, aktualisht nuk ekziston asnjë provë shkencore e besueshme që tregon se problemet shëndetësore mund të jenë shkaktuar nga energjia radioaktive e emëtuar nga smartphone-t.
