WWDC 2022 është planifikuar të organizohet në datat 6-10 qershor, dhe gjatë këtij eventi pritet që Apple të prezantojë si zakonisht përmirësimet më të fundit në software-in e sistemeve operativë të ndryshëm si iOS, watchOS, macOS dhe iPadOS.
Megjithatë iOS 16 pritet të jetë prezantimi kryesor i këtij eventi. Më poshtë do të listojmë disa nga shërbimet e reja që pritet të vijnë me iOS 16.
Përmirësimi i njoftimeve
Sipas raportimeve të fundit bëhet e ditur se Apple do të përmirësojë drastikisht mënyrën se si njoftimet në iPhone funksionojnë, duke ofruar më tepër opsione grupimi.
Focus Mode i zgjeruar
Focus Mode ishte një ndër shërbimet më kryesore të prezantuara me iOS 15. Me iOS 16, Focus Mode, e cila ju lejon të kryeni detyra të caktuara pa u ndërprerë nga aplikacionet e tjera, do të zgjerohet me disa optimizime të reja.
iOS 15 mund të konfirmojë praninë e Apple VR/AR Headset
Një ndër faktet më interesante rreth iOS 16 nuk ka të bëjë aspak me iPhone-t. Specifikisht, analistë të ndryshëm po tregojnë se iOS 16 mund të përfshijë referenca të ndryshme për Apple VR/AR Headset. Mark Gurman tregon se gjatë këtij eventi mund të shfaqen dhe pamjet e para të rOS të heaset-it.
Update i Apple Neës dhe shërbime të reja për Health
Ka patur disa raportime të reja se Apple po përgatit të sjellë disa shërbime të reja në Apple News, duke prezantuar disa partnerë publikimi të rinj. Për sa i përket Health, Apple mund të sjellë monitorimin e përmirësuar të gjumit dhe mjete për menaxhimin e medikamenteve.
Pajiset e suportuara
Apple ka bërë një punë të mirë në update-imin e pajisjeve të saja shumë të vjetra. Me sa duket me iOS 16 kompania ka vendosur të heqë dorë nga update-imi i iPhone 6s, i cili ka debutuar që në vitin 2015 dhe të update-ojë të gjitha pajisjet më të reja.
