iPhone 16 dhe versioni i tij më i madh, iPhone 16 Plus, janë parashikuar më parë të vijnë në shtatë ngjyra – veçanërisht duke përfshirë një opsion të ri të gjelbër. Megjithatë, në një leak të fundit ku tregohen disa imitime të iPhone 16 që pritet të publikohen së shpejti, mund të shikojmë vetëm 5 nga ngjyrat e përmendura.
Ky leak vjen nga Sonny Dickson, një person që publikon prej kohësh informacione të sakta rreth pajisjeve që pritet të prezantohen së shpejti. Më herët Dickson publikoi informacione rreth madhësive të pajisjeve dhe shfaqej thjesht një opsion i ngjyrave, ndërkohë që kësaj here ai publikoi të gjithë opsionet e ngjyrave të iPhone 16.
Kjo rrjedhje tregoi gjithashtu një vendosje të re të kamerave për iPhone 16 dhe iPhone 16 Plus. Tani pritet të ketë një vendosje vertikale të lenteve.
Deri më tani kemi mësuar për ekzistencën e 5 ngjyrave të ndryshme që do të vijë iPhone 16:
- E bardhë
- E zezë
- Blu
- E gjelbër
- Rozë
