Samsung Galaxy Z Fold 7 pritet të debutojë më 9 korrik 2025 dhe tashmë janë shfaqur rrjedhje të shumta që zbulojnë detaje të rëndësishme për pajisjen. Rrjedhja më e fundit vjen nga Evan Blass, një burim i besuar për pajisjet mobile, i cili ka ndarë rendera zyrtarë të dukshëm të Z Fold 7 në 3 ngjyrat: Jet Black, Silver Shadow dhe Blue Shadow.
Nga pamjet e publikuara, Galaxy Z Fold 7 paraqitet me dizajn më të rafinuar dhe ndjeshëm më i hollë se paraardhësi i tij, Z Fold 6. Pajisja thuhet se do të ketë trashësi vetëm 3.9mm deri në 4.5mm kur është e hapur dhe do të peshojë rreth 215 gramë, që është 24 gramë më pak se modeli i mëparshëm. Kjo e bën atë ndër pajisjet më të lehta dhe të holla në segmentin e telefonëve të palosshëm.
Sipas rrjedhjeve të fundit, modeli me 256GB memorie do të kushtojë rreth €2,227 në tregun evropian, ndërsa versioni me 512GB do të kushtojë rreth €2,309. Pritet që ekrani I brendshëm të zmadhohet në 8 inç Dynamic AMOLED 2X dhe ekranin e jashtëm në 6.5 inç, me rifreskim 120Hz dhe mbështetje për S Pen.
Për sa i përket performancës, Z Fold 7 pritet të pajiset me çipin Snapdragon 8 Elite “for Galaxy”, një version i personalizuar për Samsung me performancë të përmirësuar grafike. Kamera kryesore përflitet se do të jetë 200MP, dhe do të shoqërohet me përmirësime softuerike për foto më të qarta dhe stabilizim më të mirë.
Samsung synon të përmirësojë edhe rezistencën e ekranit të brendshëm me një xham ultra të hollë (UTG) më të fortë dhe një mekanizëm palosjeje të ridizenjuar për më shumë qëndrueshmëri dhe rezistencë ndaj pluhurave.
