Analisti i Apple, Ming-Chi Kuo parashikon se kërkesa për serinë iPhone 15 do të jetë më e ulët se ajo e serisë iPhone 14 këtë vit. Kuo tha se kërkesa më e ulët mund ta bëjë sfidues për furnizuesit e Apple rritjen e të fitimeve në gjysmën e dytë të 2023.
Linja e ardhshme e iPhone do të përbëhet nga iPhone 15, iPhone 15 Plus, iPhone 15 Pro dhe iPhone 15 Pro Max. Të katër modelet thuhet se janë të pajisura me një port USB-C dhe Dynamic Island, i cili aktualisht është ekskluziv për modelet iPhone 14 Pro. Përflitet veçori shtesë për modelet e iPhone 15 Pro, duke përfshirë një çip më të shpejtë A17 Bionic, do të përdoret materiali më rezistent prej titani, butoni i personalizueshëm, korniza më të holla rreth ekranit, zmadhim optik deri në 5-6x për kamerën Pro Max, dhe me shume.
Modelet e iPhone 15 Pro me shumë mundësi do të kushtojnë $100 deri në $200 më shumë se modelet e iPhone 14 Pro në SHBA, sipas Tim Long, një analist në bankën britanike Barclays. Këto rritje çmimesh mund të ulin disi kërkesën për pajisjet, veçanërisht pasi disa konsumatorë mund të reduktojnë shpenzimet e tyre për shkak të inflacionit mbi mesatar gjatë viteve të fundit.
Gjithsesi duhet të themi se Kuo bëri vetëm një parashikim, dhe ne do të duhet të presim dhe të shohim se sa mirë do të bëjë seria e iPhone 15. Shtimi i një porti USB-C ka qenë një veçori e shumëpritur në mesin e entuziastëve të teknologjisë, dhe Dynamic Island që zgjerohet në iPhone 15 dhe iPhone 15 Plus standard mund të ndihmojë në rritjen e shitjeve të atyre modeleve të nivelit të ulët. Apple pritet të zbulojë serinë iPhone 15 në fillim të shtatorit.
