Duke hedhur poshtë njëherë e mirë zërat që flisnin për një mbyllje të mundshme të linjës Pixel nga Google, një patentë ka dalë në qarkullim e cila jo vetëm i kundërshton pretendimet por hap dritaren për një dyshim të supozuar nga shumë interpretues.
Patenta tregon pjesën e përparme dhe atë të prapme të Pixel 6, krahas të vjetrit. Përveç dimensioneve që janë të njejta vihet re mungesa e kamerës selfie në pjesën e përparme, çka shumë po diskutojnë se indikon prezencën e një kamere nën ekran.
Smartphoni i parë komercial me një tipar të tillë, ZTE Axon 20 5G, rezultoi të ishte një zhgënjim në cilësinë e asaj kamere, por jo në teknologjinë e përdorur. Kjo i hap detyrimisht rrugën të gjithë bërësve të smartphonave të tjerë për të eksperimentuar. E nëse një gjigand si Google futet në lojë jemi në fillim të standartizimit të një teknologjie shumë të bukur.
Nuk bëhet ende e qartë nëse do ta shohim si opsion tek Pixel 5 Pro i cili pritet të vijë herët në 2021 apo tek Pixel 6 që duhet të vijë më vonë.
Sigurisht që regjistimi i një patente nuk garanton asgjë, por megjithatë na jep një ide më të qartë për planet e kompanisë.
