Siri fillimisht u përdor nga të gjithë si një opsion ekzotik, ku një zë robotik mund të të kthente përgjigje e të zbatojë urdhra. Dimensioni i shërbimeve të një asistenti vokal ama është vërtetë i paimagjinueshëm se deri ku mund të shkojë. Dhe kompanitë zgjedhin nga të gjitha mënyrat për ta imponuar këtë formë të re interaksioni, siç janë edhe butonat e dedikuar.
E nëse edhe ti ke një Galaxy S apo Note dhe butoni i Bixby të duket i tepërt pasi rrallë herë e përdor, mund ta zëvendësosh me një funksion tjetër fare lehtë, sepse në teknologji nuk është shuar akoma demokracia.
Ja se si mund ta bësh këtë:
1. Hap Settings
2. Shko poshtë tek Advanced Features dhe zgjidh Side Key.
3. Mund të zgjedhësh një shtypje të dyfishtë të butonit mes të cilave:
-Hapje e shpejtë e kamerës
–Bixby Home
-Një aplikacion sipas dëshirës
-Ose për Google Assistant
4. Ose mund të caktosh një shtypje për:
– T’i dhënë komanda Bixby-t.
– Ose për t’u futur tek menuja e fikjes. (më e përdorura nga të gjithë)
