Duke filluar nga viti i kaluar smartphonët e rinj të Huawei janë lançuar pa shërbimet e Google Mobile Services (GMS). Në fjalë të thjeshta aplikacionet aq të përparuara të Google nuk mund të përdoren.
Kjo është edhe arsyeja pse është e vështirë t’i rekomandosh dikujt një Huawei pavarsisht sa aparate vërtetë të fuqishëm vazhdon të prodhojë.
Edhe pse Huawei ofron mjaft alternativa të veta të ngjashme me ato të Google, në fund nuk është e njëjta gjë. Ka disa mënyra për të instaluar GMS në fakt por janë të gjitha të komplikuara.
Një krijues veteran i XDA ka krijuar një aplikacion i cili instalon ato shërbime në mënyrën më të thjeshtë të mundshme.
Googlefier është krijimi më i fundit i bender_007, ai jep një guidë me hapa për të instaluar shërbimet e Google në smartphonin tënd Huawei apo Honor.
Jepi aplikacionit lejet e duhura, më pas ai do të zëvëndësojë app-in tënd të backup-it me LZPlay. Pasi të ketë mbaruar do të mundesh të instalosh Google Play Store dhe aplikacionet e tjera Google e të futesh me llogarinë tënde Google.
Ja një video shpjeguese për më tepër instruksione.
Vlen për tu thënë se nëse ke kaluar në EMUI 11, Googlefier nuk do të funksionojë. Gjithashtu nëse ke tentuar të instalosh më parë GMS me mënyra të tjera, më mirë ktheji gjërat në gjendjen e mëparshme në mënyrë që të mos kesh probleme. Googlefier ofron një opsion për ta bërë këtë.
