Një raportim i ri nga Counterpoint Research tregon se sa kushton proçesi i prodhimit të një iPhone 14 Pro Max. Sipas këtyre të dhënave bëhet e ditur se kostoja totale e pjesëve dhe materialeve të smartphone-it flagship me 128GB memorie është $464, një çmim pak më i lartë në krahasim iPhone 13 Pro Max të vitit të kaluar.
9to5Mac mësoi nga të dhënat e Counterpoint Research se iPhone 14 Pro Max është 3.7% më i shtrenjtë se paraardhësi i tij. Arsyeja kryesore e kësaj rritje është përdorimi i kamerave 48MP si dhe shërbimi i ri always-on display.
Çmimet për komponentë të caktuar janë ulur gjatë këtij viti. “Krahasuar me paraardhësin, kostot e grupit të komponentëve të valëve janë ulur me 13% për sa kohë teknologjia 5G rrit popullaritetin e saj.” tregohet në raportim.
Gjithashtu prodhimi i proçesorit A16 Bionic kushton $11 më tepër se A15 Bionic. Ju mund të mendoni se ekziston një diferencë e madhe midis çmimit $464 dhe $1,099 me të cilin ky smartphone shitet, mirëpo duhet të marrim në mend dhe kostot e tjera që Apple ka si përshembull instalimi i pjesëve, ambalazhimi dhe shpërndarja.
Gjithashtu kompania ka shpenzuar shumë para për të zhvilluar shërbime të reja, për të reklamuar produktet dhe për të bërë kërkime të tjera.
