Apple prezantoi për herë të parë versionet beta të iOS 15 gjatë WWDC në qershor, dhe që nga ajo kohë njerëzit kanë filluar testimin e tij. Besohet se ky version i ri i sistemit operativ është shumë pranë publikimit për përdorim të gjerë, me shërbimet e reja si Focus Mode, Live Text, Background Sounds dhe shumë të tjera.
Mirëpo kur do të prezantohet iOS 15 për publikun e gjerë?
Nëse Apple përsërit veprimin që bëri gjatë vitit të kaluar, ne do të mund të shkarkojmë versionin e ri të iOS duke filluar nga data 15 shtator, një ditë pas eventit “California Streaming” ku pritet të prezantohet seria e re e iPhone-ve. Megjithatë nëse Apple i rikthehet traditës së viteve të mëparshme, iOS 15 mund të prezantohet në datën 20 shtator.
Update-i madhor i përvitshëm i iOS zakonisht prezantohet pas eventit të shtatorit të Apple. Dhe pse këtë vit asgjë nuk është publikuar në mënyrë zyrtare, ne besojmë se Apple do të ndjekë traditën e saj në mënyrë rigoroze.
Nëse ju nuk po prisni dot dhe doni të instaloni menjëherë iOS 15, ju mund të shkarkoni versionin publik beta falas, mirëpo ne nuk jua rekomandojmë një gjë të tillë, pasi data e prezantimit zyrtar është shumë pranë.
