Një raportim i ri ka nisur të qarkullojë në internet rreth iPhone 14, i cili tregon arsyen se përse çmimi i këtyre pajisjeve do të jetë më i lartë gjatë këtij viti.
Besohet se rritja e çmimit do të vijë për shkak se Apple do të largohet nga furnizuesi kryesor kinez për kamerat e selfie, dhe do t’i zëvëndësojë ato me kamerat nga LG Innotek. Për herë të parë ky raportim erdhi nga website-i korean ET News, i cili foli se ky zëvëndësim do të kthejë kamerat selfie të iPhone nga një komponent “low-end” në një “high-end”. Përmirësimi do të vijë me një kosto rreth 3 herë më të madhe se aktualisht.
Në të njejtin raportim citohet se dhe kamerat në pjesën e pasme të iPhone 13 cilësohen si hardware “low-cost”.
Kryesisht këto komponentë vinin nga kompania japoneze Sharp dhe një tjetër kompani kineze emri i së cilës nuk bëhet i ditur. Tashmë që Apple do të furnizohet me kamera high-end nga LG Innotek, pritet që në kamerat selfie të vijnë disa shërbime të reja, si përshembull shërbimi autofocus.
TechCrunch tregon nëpërmjet një raportimi se kamera do të ketë një rezolucion më të lartë, sensor më të madh dhe disa përmirësime të tjera, të cilat do të ndikojnë në çmimin e iPhone 14.
Për të mësuar se sa do të rriten çmimet e pajisjeve, kliko këtu.
