Nëse ke një Huawei apo Honor duhet me patjetër të bëhesh pjesë e këtij kompeticioni.
Huawei Next Image 2020 do të japë disa çmime ku maksimumi do të jetë $10,000 dhe disa P40 Pro. E në bashkpunim me kompaninë fotografi profesionist Mike Kus ka përgatitur një masterclass me këshilla për secilën nga kategoritë.
Pavarsisht se kompeticioni vlen vetëm për ata që shkrepin fotot me Huawei apo Honor këto këshilla mund të të vlejnë për të bërë fotografi me çfarëdo smartphone si një pro.
Fytyrat.
Foto të tilla kanë të bëjnë me identifikimin e personit në foto. Është e rëndësishme të kapësh karakterin e subjektit tënd, qoftë me apo pa mendje. Gjej shprehjen e tij dhe fute në kontekstin e duhur. Kujdesu për dritën pasi shkëlqimet e forta shkatërrojnë gjithçka, ato të ulta dallojnë karakteret.
Panoramat.
E rëndësishme është ti japësh perspektivën e duhur. Në mënyrë që efekti i hapësirës të jetë i saktë përfshi edhe detaje nga këndvështrimi jot. Bëj foto nga poshtë, përfshi pak fije bari në mënyrë që të japësh idenë e thellësisë.
Momentet e gjalla.
Teksa përpiqesh të xhirosh diçka, duhet të kesh në mendje qëllimin e krijimit të atmosferës, emocionit dhe ndjenjës. Mos u kufizo vetëm me imazhin, kolona zanore mund ti shtojë goxha shije, dhe montazhi cakton ritmin dhe gjendjen që dëshiron të transmetosh. Manipulimi i kohës është gjithahstu i rëndësishëm.
Rrëfimi i historisë.
Teksa përpiqesh të kapësh disa fotografi për të treguar një histori je i lirë të jesh konkret apo abstrakt sa të duash. Mos harro linjën e historisë tënde dhe shfrenoje fantazinë duke fotografuar nga detajet më të vogla tek ato më të fuqishmet.
Natën e mirë.
Huawei P40 Pro ka një sektor të tërin dedikuar fotove natën, i cili të lejon të menaxhosh shumë cilësime. Nga zvarritja e dritës tek rrugët e boshatisura një botë e errët është e pafundme ku mund të të çojë. Kij parasysh stabilizimin, një stativ i lirë gjendet fare lehtë kudo.
Përshëndetje jetë.
Të kapësh jetën në një foto nuk është gjë e lehtë. Përpiqu të gjesh aksionin në të përditshmen tënde, gjërat speciale, atë që të japin një ndjesi që zgjat. Një vakt i bërë me dashuri, një pamje nga lart i vendit ku ndodhesh, ose dielli teksa zhduket.
Këto janë kategoritë ku mund të marrësh pjesë. Për këtë të duhet një llogari Huawei dhe mund të bëhesh pjesë këtu.
