September 22, 2020

"Apple Watch 6 do të parashikojë Covid-19" dhe aparatet e tjera të zbuluara gjatë "Time Flies"

Vlerëso këtë lajm
(2 votes)
"Apple Watch 6 do të parashikojë Covid-19" dhe aparatet e tjera të zbuluara gjatë "Time Flies"

Eventi më i rëndësishëm i shtatorit sapo u zhvillua live. Gjatë "Time Flies" Tim Cook dhe kolegët e tij na prezantuan me plot 4 aparate të reja nga ambiente të ndryshme në Apple Campus Cupertino.
Thashethemet rezultuan të gjitha të vërteta, ky event solli në publik 2 Apple Watch dhe 2 iPad. Si fillim u fol për rëndësinë e një Apple Watch në jetën e përditshme, Tim Cook na siguroi mbi rëndësinë e aftësisë për të matur rrahjet e zemrës me anë të disa rasteve ku ky funksion kishte shpëtuar jetë.

ezgif.com-webp-to-jpg_11.jpg

Kësaj here Apple Watch Series 6 do të sjellë dy strumente të reja monitorimi shëndetësor. Së pari ai do të regjistrojë orët e gjumit por edhe lëvizjet gjatë tij për të kuptuar strukturën por edhe cilësinë e gjumit.

Në përpjekje për të kapur hapin e këtij virusi të ri që kërcënon botën, Apple sjell për herë të parë matjen e nivelit të oksigjenit të gjakut. Një proçes i cili zgjat vetëm 15 sekonda, qartazi nuk do të parashikojë apo diagnostifikojë Covid-19 por mundet sidoqoftë të mbajë një regjistër të dhënash të vazhdueshëm gati për tu marrë në konsideratë në skenarin më të keq.
Dhe për të ndihmuar në luftën kundër Covid-19, Apple Watch do të masë edhe kohën e larjes së duarve.

large.jpg Së fundmi për herë të parë kemi një Apple Watch SE. I cili ka aspektet më esenciale të një ore Apple por fuqizohet nga një proçesor 1 gjeneratë më i vjetër se ai i Series 6.
Apple Watch Series 6 do të kushtojë $399 ndërsa versioni SE vetëm $279.

Në 10 vjetorin e iPad, Apple sjell iPad 8 dhe iPad Air.

large_1.jpg

 

I pari vjen me një proçesor A12 bionic i cili e lejon të jetë 40% më i shpejtë në CPU. Apple thotë se ky produkt është 2 herë më i shpejtë se çdo laptop Windows, 3 herë më shumë se çdo Android Tablet dhe 6 herë më i shpejtë se një Chromebook.
Për $399 ky është iPad më i ri dhe më i lirë që mund të marrësh.

ipadair2.jpg

 

iPad Air erdhi siç u parashikua me këndet e sheshta njejtë si Pro, por me vetëm një kamera prej 12MP prapa dhe plot 5 ngjyra nga të cilat mund të zgjidhet.
Ai ka një ekran 10.9-inch dhe hapet nga Touch ID e cila ndodhet e integruar në butonin e kyçjes.
Proçesori A14 bionic 5nm e bën atë të jetë 40% më i shpejtë dhe të performojë 30% më mirë në grafika.E më në fund kemi integrimin e USB-C.
iPad Air do të kushtojë $599.

Por ylli i vërtetë i shfaqjes është në fakt iPadOS 14, i cili prezanton njohjen e tekstit dhe formave çka të lejon që të modifikosh materiale menjëherë madje të shkruash me shkrim dore e t'i integrosh në një dokument formal menjëherë.

lcimg_8c4dea5d_d3a1_4f85_9ecb_266eb8735c68.jpg

 

Apple provokoi pak edhe mundësitë që ky sistem i ri operativ i sjell zhvilluesve por ka vendosur që për të rejat e sistemeve operative iOS 14, iPadOS 14, watchOS 7 dhe tvOS të na i tregojë ditën e nesërme. Mbetemi në pritje.

Tuesday, 15 September 2020 20:33 Last modified on Wednesday, 16 September 2020 16:55

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Ermir Jonka
Xhonald Mamo