September 22, 2020

4 probleme të zakonshme me një iPhone dhe si t'i zgjidhësh ato

Vlerëso këtë lajm
(0 votes)
4 probleme të zakonshme me një iPhone dhe si t'i zgjidhësh ato

Një nga arsyet pse dikush blen një iPhone është edhe besimi se ai smartphone nuk ngec asnjëherë. Ky mit jo vetëm që është i pavërtetë por si çdo pajisje tjetër elektronike vjen me problemet e veta të zakonshme.
Ndaj të sjellim një listë me problemet më të ndeshura në një iPhone dhe këshillat për t'i zgjidhur ato.

 

Bugs

Për probleme të thjeshta me Wi-Fi apo bllokime e ngadalësime bëji një restart.

- Nëse ke një iPhone me buton Home mbaje shtypur atë së bashku me butonin e kyç/ç'kyçjes për 10 sekonda derisa të shohësh logon Apple.
- Për modelet me Face ID: shtyp dhe lësho volumin lart, shtyp dhe lësho volumin poshtë e më pas shtyp e mbaj shtypur butonin anësor për 10 sekonda derisa të shohësh logon e Apple.

Duket si një veprim i padobishëm, por njejtë si me aparate të mëdha e të fuqishme, një fikje e ndezje e sjell në vete zakonisht.

 

Bateria nuk mban

Për probleme me baterinë së pari duhet të shohësh cilat aplikacione janë duke konsumuar më shumë energji duke shkuar tek Settings>Battery. Me të kuptuar cilat shërbime të kushtojnë më shumë bateri mundesh t'i organizosh më mirë.
Zakonisht janë aplikacionet që punojnë në sfond ato që thajnë baterinë më shumë, nëse sheh ndonjë aplikacion i cili punon pa dëshirën tënde, bllokoje.
Nëse bateria do ndërruar kontrollo cilësinë e saj tek Settings>Battery>Battery Health.

 

Memoria po mbushet

Për informacion të dedikuar shko tek Settings>General>iPhone Storage.

Ndiq këshillat dhe hapat që vetë Apple të jep aty. E më pas kontrollo aplikacionet që zënë më shumë hapsirë. Futu në app-in specifik dhe pastro të dhënat e panevojshme, qoftë edhe thjesht "cache and cookies" por edhe materiale që nuk i përdor më.

 

Probleme të tjera

- Kontrollo dhe instalo të gjitha përditësimet herë pas here në Settings>General>Software Update.
Jo më kot quhet përditësim, skuadra të tëra inxhinierësh punojnë përditë për të sjellë shërbime më të shpejta dhe më të sakta, ndaj është me rëndësi të jesh koherent.

- Kur një aplikacion ngec vazhdimisht, shko kontrollo për ndonjë përditësim të mundshëm në App Store. Nëse nuk ka përditësime atëhere fshije dhe ri-instaloje.

- Nëse smartphoni jot nuk qëndron lidhur me Wi-Fi ndiz Airplane Mode për pak sekonda dhe provo përsëri më vonë.

- Kur gjithçka tjetër nuk funksionon, shkarko aplikacionin Apple Support dhe fol në chat me një teknik. Agjenti mundet të të tregojë hapat e duhur ose të futet në aparat me lejen tënde për të kontrolluar çfarë nuk po funksionon.

Sunday, 13 September 2020 22:51 Last modified on Monday, 14 September 2020 14:59

Geek Room i dedikohet teknologjisë dhe të apasionuarve pas saj përmes informacioneve në
kohë reale dhe videove rreth risive më të reja.
Lidhu me stafin tonë përmes emailit në:
[email protected], [email protected]

Editorial Staff:
Brenton Bënja
Ermir Jonka
Xhonald Mamo