Galaxy Note 20 do të shfaqet përpara botës pas pak javësh në 5 gusht gjatë eventit Galaxy Unpacked, por ditët e fundit po marrim një sasi të madhe leak-esh.
Note 20 standart sipas leak-ut të para disa ditëve do të ketë një ekran të sheshtë por më keq akoma raporti i rifreskimit do të jetë vetëm 60Hz. Për dikë që nuk ka provuar më mirë nuk do e kuptojë diferencën por asgjë nuk krahasohet me 120Hz e cila me siguri do të jetë përfshirë tek Note 20 Plus dhe Note 20 Ultra.
Evan Blass nga ana tjetër ka publikuar një foto të të gjitha këndeve të smartphonit së bashku me të versionet e ngjyrave. Edhe pse me ekran të sheshtë, ky do të jetë një goxha smartphone.
Përveç formës kemi edhe detaje nën kofano, Galaxy Note 20 do të ketë 4,300 mAh bateri, ekran 6.7- inch, Exynos 990, 8GB RAM dhe 256GB hapësirë pa kartë të jashtme.
Ngjyrat do të quhen Mystic Black, Mystic Bronze dhe Mystic Green.
Nga çfarë mësojmë ky do të jetë thjesht niveli hyrës në linjën Note 20, për eksperiencën e plotë të një Galaxy Note të 2020 mesa duket do të duhet të zgjedhim Plusin ose Ultrën.