Është më se e zakontë që me çdo update të ri, një iPhone të përjetojnë një sërë bug-esh, problemesh të cilat zgjidhen zakonisht me updaten e radhës. Por ato me të cilat iOS po përballet për momentin qënkan vërtetë serioze.

iOS 13.4 sapo ka filluar të qarkullojë dhe duhet thënë që ka mjaft probleme shqetësuese, por akoma më shqetësues është çështja e të dhënave, siguria e të cilave është seriozisht në rrezik.

Kompania e famshme e VPN, Proton, ka raportuar një defekt serioz tek sistemi i ri. Mesa duket, kushdo që ka këtë sistem dhe përdor njëkohësisht VPN për siguri maksimale, merr në këmbim krejt të kundërtën duke lejuar të dhënat të jenë thuajse të ekspozuara.

Sapo aktivizon VPN, iOS 13.4 nuk arrin të mbyllë lidhje të pasigurta duke i lënë të hapura për minuta të tëra ose shpesh edhe orë. Çfarë është më shqetësuese, Proton deklaron se kish kapur problemin që tek 13.3.1, dhe e raportuan tek Apple. Këta të fundit e pranuan por mesa duket akoma nuk e kanë gjetur zgjidhjen muaj më vonë.

Vetë kompania, ne raport ka ofruar një zgjidhje të përkohshme duke ndjekur keto hapa:

- Lidhu me një VPN server.

- Akvitizo Airplane Mode. Kjo do të fiki çdo lidhje web egizstuese.

- Çaktivizo Airplane Mode. Serveri VPN do të aktivizohet automatikisht dhe të gjitha lidhjet web do të kalojnë prej tij. 

Bashkë me këtë bug, përdoruesit kanë raportuar një sërë problemesh të tjera në Control Cebter, Virtual Keyboard, Assistive Touch, Bluetooth, krash dhe ngecje të herë pas hershme. Apple është prej kohësh në dijeni, e megjithatë akoma nuk u ka gjetur zgjidhje.

Ndaj ndoshta updatin e radhës mund të konsiderosh ta bësh edhe skip, derisa të vijë i duhuri.