Me 2021 që po përfundon, vëmendja jonë shkon gjithnjë e më shumë drejt prezantimeve kryesore të vitit pasardhës. Samsung me sa duket do ta nisë vitin e ri me prezantimin e Galaxy S21 FE në janar, ndërkohë që në shkurt pritet të prezantohet linja e re e smartphone-ve Galaxy S22.

Leaker-i Ice Universe ka publikuar disa pamje të xhamave mbrojtës për ekranet e 3 modeleve në serinë S22. Galaxy S22 Ultra pritet të ketë një pamje tepër katrore (njësoj si seria Note) dhe një madhësi 6.8 inç, Galaxy S22 Plus do të ketë ekran me madhësi 6.55 inç, ndërkohë që vesioni bazë do ta ketë ekranin 6.06 inç.

S22, S22 +, S22 Ultra protective film test video pic.twitter.com/MJkv6LrD9S

— Ice universe (@UniverseIce) November 27, 2021

Për të zëvëndësuar tërësisht linjën Note, Samsung do të vendosë një S Pen të integruar brenda në trupin e S22 Ultra.

Leaker-i tjetër i quajtur Theme ka shpërndarë gjithashtu një fotografi që tregon disa mbrojtës të lenteve të kamerave për të tre smartphone-t. Prej saj ne mund të kuptojmë se versioni standart dhe S22 Plus do të vijnë me 3 lente të vendosura vertikalisht, ndëkrohë që në modelin Ultra ishulli i kamerave do të përfshijë dhe 2 lente të tjera bashkë me një sistem fokusimi me lazer.

Pra, organizimi i kamerave do të jetë i ngjashëm me atë në serinë e mëparshme, por ndryshimi i vetëm do të jetë mospërkulja e ishullit të kamerave në pjesën anësore të smartphone-t.

Gjithashtu në Galaxy S22 Ultra raportimet tregojnë se nuk do të gjendet një ishull kamerash, por ato do të jenë të integruara në trupin e pajisjes.